Касцёл Святога Яна () — старажытны касцёл у Гданьску.
Гэта трохнефавы зальны касцёл з аднанефавым трансептам. Кожны з трох прыдзелаў нефа накрыты асобным дахам. Даўжыня касцёла 55,10 метраў, шырыня 20,18 метраў. Вышыня чатырох'яруснай вежы 47 метраў. Яна ўпрыгожана фальшвокнамі і арнаментаванымі фрызамі, што адлюстроўвае шматэтапны час яго будаўніцтва. Вежа накрыта нізкім вальмавым дахам і ўвянчана тонкай вежачкай.
Будаўніцтва храма пачалося ў 1377 годзе на месцы драўлянай капліцы, пабудаванай у 1353 годзе. Да 1415 года пабудаваны заходні неф, трансепт і аднанефавы прэзбітэрый. У 1450-1463 гадах неф быў павялічаны, прэзбітэрый атрымаў прыдзелы. У 1453 годзе была зроблена спроба павялічыць вышыню вежы касцёла, што адбылося толькі пасля Трынаццацігадовай вайны. У 1559 годзе касцёл перададзены пратэстантам. У 1679 годзе былі знесены франтоны, а на ўсходняй сцяне пастаўлены контрфорсы, каб выратаваць усходнюю сцяну ад абвальвання з-за руйнавання падвальнага падмурка пры пахаванні памерлых у восем слаёў. У 1945 годзе царква была значна разбурана падчас вайны.
Касцёл быў адрамантаваны звонку, але ўнутры ён заставаўся ў руінах. У 1991 годзе ён быў перададзены каталіцкім царкоўным уладам. У 1995 годзе на падставе дамовы паміж Гданьскай архідыяцэзіяй касцёл Святога Яна быў перададзены Балтыйскаму цэнтру культуры. Па нядзелях а 12-й гадзіне імша праводзіцца тут на кашубскай, нямецкай і польскай мовах.
Спасылкі
Катэгорыя:Касцёлы Гданьска Катэгорыя:Гданьская архідыяцэзія