Гуцулы, карпатска етнографична група, населяюча горскы районы даколькых областей Украины: Ивано-Франковской (Верховинскый, часть Косовского, Надвирнянского и Коломыйского), Чорновецкой (Буковины) (Путилскый и Вижницкый), Закарпатской (Раховскый, около 20 сел). Гуцулы жиють таксамо в даколькых селах диштрикта Марамуреш в Румынии. Тоту територию Гуцулы заселили в 14.-18. вѣках, найпозднѣйше ей подкарпатску часть (17.-18. вѣкы).Магочій П.Р., Поп І. (уклад.), сс. 155-156.Поп И., с. 149.Řehoř F.: Huculové. Походжѣня Найгустѣйше заселяють берегы Прута и Черемоша. Православной вѣры суть Гуцулы Буковины, галицкы и подкарпатскы суть грекокатолици. О походжѣню их ествуе вецей гипотез, але то, же ся Гуцулы появили односно недавно, а в самых дикых незалюдненых горах, говорило бы на хосен той, котра розбор их назвы звязуе з румынскым ul (тот) и huc (hoț бандита), ци же иде о значну частку зберанцьох, военскых дезертерох вшиткых сосѣдных народностей, котры гледали, де бы ся могли скрыти.
Гуцулы все выокремльовали себе од иншых обывательох Карпат. В зачатку 20. стороча все силнѣйше схыляють ся ку украинской самоидентификации.
Култура Выдѣляють ся уже своим пестрым шатьом. Традичным занятьом Гуцулох было скотарство, взимѣ рубаня лѣсу, влѣтѣ сплав бокорох. Суть великыма майстрами в роботѣ з деревом. Мають шпецифичну архитектуру, на роздѣл од своих сосѣдох, Бойкох, нигда не жили в дымнянках. Охотно нанимають ся на роботу в оддалѣню од свого родиска.
Пятьчленны церквы и гуцулска гражда и иншы уникатны дѣла гуцулской културы, гуцулскы повѣры, легенды, способ живота и окружѣня приваблюють велике число туристох и вдохновляють умѣлцьох. Михайло Коцюбинскый романтично змальовав Гуцулох в повѣсти Тѣнѣ забытых предкох, а Гнат Хоткевич в повѣсти Камѣнна душа, подля их книг створены и филмы.
См. тыж Гуцулска република
Жерела и одказы Řehoř, František: Huculové. //Ottův slovník naučný. Jedenáctý díl. Praha : J. Otto, 1897. S. 828–829. Доступне онлайн . Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. ISBN 978-966-387-044-1 Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. ISBN 966-7838-23-4
Референции
Катеґорія:Етнічны ґрупы