Миха́йло Би́цко, Michal Bycko, *12. октобра 1952, Гуменне, Словакия — педагог и вытварный умѣлець русинского роду, походжѣньом зоз селянской родины.Павло Роберт Маґочій: Бицко Михайло.Владислав Грешлик: Бицько Михайло.
Штудии и зачаток педагогичной роботы Абсолвовав аграрне училище в Меджилаборцях (1972), педагогичну факулту универзиты П. Й. Шафарика (вытварництво, украинскый язык и литература, 1976), зыскав докторскый ступѣнь на универзитѣ Конштантина Филозофа в Нѣтрѣ (педагогика вытварництва, PaedDr., 1980). Од року 1977 учить на умѣлецкой школѣ в Меджилаборцях и выступуе зо статьями на розличны темы умѣлецкого живота, творить олеомальбы, карикатуры, графику. По далшых штудиях и докторской дизертации Пряшовска универзита му удѣлила титул доктора филозофии (PhD., 2003).Даніел Бродяні
Умѣлецка творба Темы своих образох бере переважно з живота Пряшовского края, найчастѣйше суть они в жанрѣ портрета и пейзажа. Выступуе тыж з абстракчныма композициями, часто в експресионистичном штилу. Брав участь в колективных выставках в Германии, США, Югославии, Японии.
Персоналны выставкы мав в Меджилаборцях (1984, 1987, 1992), Пряшовѣ, Гуменному, Чешскых Будейовицях. Лавреат Меджинародной премии Треббия 2017.
Проявив ся и в литературной творбѣ оригиналнов поезиов и прозов, з котров выступав в русинскых периодиках, в народностном высыланю Радио Патрия, а тыж выдав зберьку поезий Тихомир зо жывота (2007)З литературной творбы М. Бицка. и далшы двѣ ай по словацкы.
Сполоченска чинность и поп-арт Еще в 1980-х роках занимав ся поп-артом и особов Енди Варгола, популаризовав го и реализовав выставкы о его творчости. Е автором робот Nočné dialógy s Andym (1996) и Andy Warhol (2009). Быв едным зо закладательох Русинской Оброды в Словакии (РОС, 1990), найвекшой и найстаршой организации той народностной меншины, а найвеце познатый як инициатор и активный участник заложѣня Музея модерного умѣня Енди Варгола в Меджилаборцях. Быв кустосом того музея и тутором умѣлецкых курзох, котры там организовав.
Жерела и одказы
Владислав Грешлик: Бицько Михайло. //Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. С. 41. Павло Роберт Магочій: Бицко Михайло. //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. С. 52. З литературной творбы М. Бицка.
Референции
Катеґорія:Вытварници Катеґорія:Русиньскы педаґоґы