«Lola» er ein song av The Kinks frå 1970 skriven av Ray Davies. Songen omhandlar eit romantisk møte mellom ein ung mann og ein transvestitt han møter i Soho i London.
Songen er ein av dei mest kjende til The Kinks og vart gjeven ut som singel frå albumet Lola versus Powerman and the Moneygoround, Part One. Singelen nådde andreplassen i Storbritannia og niandeplassen i USA. Songen vart i 2003 rangert på 422. plass av musikkmagasinet Rolling Stone på lista deira over dei 500 beste songane gjennom tidene. På den oppdaterte lista deira frå 2010 var songen ute av lista.
Inspirasjon for songen I boka The Kinks: The Official Biography fortel Ray Davies at han vart inspirert til å skrive songen etter at manageren deira Robert Wace hadde dansa med ein transvestitt på ein nattklubb. Seint i 1969 oppfordra far til Davies han om å yte litt ekstra for å få ein ny stor hitsingel etter ein lang periode utan hittar for bandet, og «Lola» vart resultatet. Davies og The Kinks brukte ekstra lang tid på å spele inn og utforme songen i Morgan Studios i London tidleg i 1970.
I sjølvbiografien sin hevdar Dave Davies at han skreiv musikken til det som vart «Lola». Etter at Dave hadde spelt musikken til broren, skreiv Ray teksten. Dave hevdar så at broren tok all æra for songen. Den opphavlege teksten hadde orda «Coca-Cola», men sidan BBC dermed ikkje ville spele songen på grunn av reklamen det gav, måtte dei endra teksten til «cherry cola» for singelen.«Banning songs not a rare occurrence for the BBC», New Zealand Herald, 19. desember 2007
Suksessen singelen hadde fekk konsekvensar for bandet på eit kritisk tidspunkt i karrieren deira. Dei kunne no forhandle ein ny kontrakt med RCA Records, bygge sitt eige London Studio og ta kreativ kontroll over karrieren sin. «Lola» vart ein særs populær konsertsong for bandet.
Medverkande Ray Davies – vokal, resonatorgitar Dave Davies – elektrisk gitar, korvokal Mick Avory – trommer John Dalton – bass John Gosling – piano Ken Jones – maracas Salslister
Vekeslister
Liste (1970–71)PlasseringAustralia (Go-Set)6Australia (Kent Music Report)4New Zealand (Listener)1Sør-Afrika (Springbok)1US Cash Box Top 100Cash Box Top 100 Singles, 31. oktober 19708
Årslister Liste (1970)PasseringAustralia (Kent Music Report)94Canada Top Singles (RPM)38Nederland (Single Top 100)4US Billboard Hot 10052US Cash BoxCash Box Year-End Charts: Top 100 Pop Singles, 26. desember 197078
Andre utgåver Av artistar som har spelt songen finn Don Fardon i 1974, The Raincoats i 1979, Andy Taylor (frå Duran Duran) i 1990, Bad Manners i 1993, Dana Baitz, Madness i 2005, Jan Rot, Robbie Williams, McFly og Travis i 2008
I 1981 spelte «Weird Al» Yankovic ein parodiversjon av songen kalla «Yoda», ein karakter frå Star Wars.
Kjelder
Denne artikkelen bygger på «Lola (song)» frå , den 2. mai 2009. oppgav desse kjeldene: The Kinks. Lola vs Powerman and the Moneygoround: Part One. Reprise, 1970.
Bakgrunnsstoff
Kategori:The Kinks-songar Kategori:Singlar frå 1970 Kategori:Songar frå 1970 Kategori:Songar om London Kategori:Nummer-ein-singlar i Irland Kategori:Nummer-ein-singlar i New Zealand Kategori:Nummer-ein-singlar i Nederland Kategori:Nummer-ein-singlar i Belgia Kategori:Songar om kvinner Kategori:Songar skrivne av Ray Davies Kategori:Songar produserte av Ray Davies Kategori:Pye Records-singlar Kategori:Arista Records-singlar Kategori:Reprise Records-singlar Kategori:Folkrock-songar Kategori:Weird Al-Yankovic-songar Kategori:Madness-songar Kategori:Robbie Williams-songar Kategori:Travis-songar Kategori:Ray Davies-songar Kategori:Paloma Faith-songar Kategori:Damon Albarn-songar Kategori:De musikalske dvergene-songar