Tallula, Tallulah og Talulah er kvinnenamn avleidde frå stadnamn av indiansk opphav i USA. Det er også blitt knytt til det irske namnet Tuilelaith (utt. Tillela).
Stadnamn Det er fleire stader i USA som heiter Tallula eller Tallulah. Tallula i Mississippi er eit choctaword som tyder 'bjølle'. Byen Tallulah Falls i Georgia skal ha eit anna opphav, truleg frå namnet på cherokee-landsbyen Talulu/Taruri med uklar tyding. Dette namnet er overført til fleire andre stader, og blei teke i bruk som kvinnenamn. Ein svært kjend namneberar var skodespelaren Tallulah Bankhead. Ho var kalla opp etter bestemor si, Tallulah Brockman Bankhead, som igjen fekk namnet frå Tallulah Falls.
I Irland er Tuilelaith eit helgennamn kjend frå minst to helgenar som levde på 700- og 800-talet. Dette namnet er sett saman av ord som tyder 'overflod' og 'kvinne (av høg byrd)'. Namnet er blitt anglisert til Talulla, Tallula og Tallulah.
I Noreg vart Tallulah kjend som kvinnenamn i Noreg gjennom prinsessedottera Emma Tallulah Behn.
Kjende namneberarar Tallulah Bankhead (1902–1968), amerikansk skodespelar Tallulah Hazekamp Schwab (fødd 1973), norsk-nederlandsk manusforfattar og regissør Talulah Riley (fødd 1985), britisk skodespelar Emma Tallulah Behn (fødd 2008), dotter av prinsesse Märtha Louise og Ari Behn
Kjelder
Patrick Hanks, Kate Hardcastle og Flavia Hodges (2006) «Talulla», «Tallulah», «Tuilelaith», A Dictionary of First Names. Oxford University Press. Oxford Reference Online. Appellation Mountain Name of the Day
Kategori:Kvinnenamn Kategori:USA-amerikanske stadnamn Kategori:Førenamn av indiansk opphav Kategori:Førenamn av irsk opphav