Aleksandrovsk-Sakhalinskij (russisk Алекса́ндровск-Сахали́нский) er ein by i Sakhalin oblast i Russland med om lag 9 000 innbyggjarar. Han ligg nær Tatarsundet på vestsida av øya Sakhalin, rundt 450 km nord for Juzjno-Sakhalinsk.
Historie Aleksandrovskaja sloboda vart grunnlagt i 1869, og voks etter kvart til landsbyen Aleksandrovka. I 1881 vart det oppretta ein administrativ utpost i landsbyen, som då heitte Aleksandrovskij post. Utposten fungerte som eit administrativt senter for drift av katorga, fengsel, eksilbusetnader, og for heile øya fram til oktoberrevolusjonen. Anton Tsjekhov budde i byen i 1890 medan han samla stoff til boka Sakhalinøya. Han fekk bystatus til Aleksandrovskij i 1917.
Under den japanske okkupasjonen mellom 1918–1925 vart byen kalla Ako. I 1926 vart bynamnet endra til Aleksandrovsk-Sakhalinskij for å skilje han frå andre stader med same namn. Aleksandrovsk-Sakhalinskij var senter for Sakhalin oblast frå 1932 til 1947. Under Sovjet-tida var byen kjent for sine kolgruver.
Kjelder
Delar av denne artikkelen bygger på «Aleksandrovsk-Sakhalinskij» frå , den 24. januar 2009.
Bakgrunnsstoff
Kategori:Busetnader grunnlagde i 1869