Juan Antonio Menéndez Fernández, nado en Villamarín (Grau) o 6 de xaneiro de 1957 e finado en Astorga o 15 de maio de 2019, foi un relixioso asturiano, bispo da diocese de Astorga.
Traxectoria En 1968, ingresou no seminario de Oviedo para cursar secundaria e posteriormente os estudos eclesiásticos licenciándose en 1980. Foi ordenado sacerdote o 10 de maio de 1981. Licenciouse en dereito canónico pola Universidade Pontificia de Salamanca (2005). Ata o ano 2011 foi Vigairo xeral do Arcebispado de Oviedo e ata o 2013 Vigairo episcopal de asuntos xurídicos.
O 26 de abril de 2013, foi nomeado bispo titular de Nasai e auxiliar de Oviedo polo papa Francisco. Recibiu a ordenación episcopal o 8 de xuño por Jesús Sanz Montes. O 18 de novembro de 2015, foi nomeado bispo da diocese de Astorga para suceder a Camilo Lorenzo Iglesias, tomando posesión o 19 de decembro. Finou no cargo o 15 de maio de 2019.
Notas
Categoría:Nados en 1957 Categoría:Nados en Grau Categoría:Bispos católicos de España Categoría:Alumnos da Universidade Pontificia de Salamanca Categoría:Finados en 2019