right|250 px|thumb|Ibanez RG3721BK a 7 corde Na ghitara multicorde ła ze na ghitara che ga pì corde de łe abituałe. Le ghitare multicorde pì comuni ghe ne ga 7, 8, 10 o 12.

Sete corde La só invesion ła ze atribuìa a'l ghitarista ruso Andrey Sychra, el cuało el ga conponesto pì de na sentinera de tòchi e gà scrito un metodo par ła stesa. La viien utiłizà inte'l choro braziłian e inte'l sanba.

Oto corde Le ghitare clàseghe ad 8 corde łe ze zenaralmente acordàe co do note base in pì ([F#B]EADGBE).

Na variansa comùn ła ze cueła de zontàr na nota pì alta a naltra pì basa. Anca cui, in łinea zeneràl, la pì alta ła ze un La (A), tamentre ła pì basa ła ze un Si (B) ([B]EADGBE[A]).

Paul Galbraith ed Alexander Vynograd i ze do dei pì sèłebri ghitaristi ad 8 corde.

Inte ła mùzega Metal ła ghitara a 8 corde ła ze acordà inte ła mazor parte dei cazi in F#BEADGBE, in alguni cazi el F# el ze zbasà al E, venjndo a creàr l'acordatura cusidita "Drop".

La prima caza produtora de ghitare a 8 corde in scała industriałe ła ze stada ła Ibanez sensa fasàda, che inte'l 2007 ła ga łansà el modeło rg2228 gbk. Drioman altre caze łe gà taca a produrghene cofà ła Schechter, LTD e Dean Guitars.

Grupi cofà Meshuggah, After the Burial e Animals as Leaders i ga adotà stabilmente ła 8 corde par le só produsion discografeghe.

Nove corde La ghitara cusidita "spanjoła" a nove corde (cuatro dopie e una ùnjoła inte ła parte alta, dita cantino) el ze stà un strumento de'l Setesento.

Dieze corde Ghe ne ze varie varsion de'l XIX sécoło e na varsion moderna, crèada in orizene in cołaborasión intra Narciso Yepes e José Ramirez par rénder pì fàsiłe l'ezecusion de'l repartorio renasimentałe e baroco scrito orizenalmente par laùto.

Dòdaze corde Ghe ze łe 6 corde tradisionałe, onjuna de łe cuałe ła ze fiancàda da n'atra corda acordà a l'otava suparior, fate ecesion par le prime do, acordàe a l'unisono.

Muzeghisti Serti muzeghisti storegamente sèłebri: Luigi Legnani(1790-1877) el Paganini de ła ghitara Johann Kaspar Mertz (1806-1856) Napoléon Coste (1805-1883), conpozidor e ghitarista franseze. Narciso Yepes (1927-1997) Egberto Gismonti (1947) Maurice Ohana (1913-1992), conpozidor

Voze łigàe Moonlander, 18 corde

Łigadure foreste The State of the 7-String Guitar in 2006 de Stephen Rekas. Cathedralguitar.com Harpguitars.net Tenstringguitar.com George Moncalvo Sevenstring.org

Categoria:Chitara