Le Vignołe xe na ìxoła (69,20 etari) de ła Łaguna Veneta setentrionàl.
Zeografia L'ìxoła xe logàda a nord-est de Venesia intra Sant'Erasmo e ła Certosa.
Xe in realtà formàda da do subunità separàe da un canàl e mese in comunicasion da un pónte. Conpàgno a ła visina Sant'Erasmo, ła scarsa popołasion se dedica a ł'orticulutra. La xona orientàl inveçe xe area miłitar parchè se łeva na caxerma dei Lagunari. A sta qua xe xontàda l'ìxoła de Sant'Andrea co ł'omonemo forte, cołegàda a łe Vignołe da do ponti. Pol eser raxonta da Venesia co i vaporeti de ł'ACTV (łinea 13)*.
Storia Conosùa in pasà cofà Biniola o İxoła de łe Sete Vigne, xe stàda apresàda dai Venesiani e in ùltima anca dai antighi Romani cofà liogo de viłegiatura. In queł'epoca ła gera bagnàda avalìo dal Mar Adriatico, dao ch'el litoràl de Ponta Sabioni, gaveva oncora da formarse patòco. Inte el VII secoło xe stàda costruìa da do tribùni de Torceło na picoła Ceza in onór de San Zuane Batista e Santa Cristina.
Monumenti e loghi de intarese Infra i pochi monumenti notevołi, spica ła céxeta de Sant'Erosia, afasàda al canàl interno e afiancàda da un canpanìl picenin. Fursi rède de ł'antiga Ceza dei Santi Zuane Batista e Cristina, xe stàda ristruturàda inte ł'Otosento, ma ancùo dobòto ła xe senpre seràda. Varda na Assunzione della Vergine (Sunta de ła Vèrxene), òpara de anonemo del XVII secoło Marcello Brusegan. Guida insolita ai misteri, ai segreti, alle leggende e alle curiosità delle chiese di Venezia, Newton Compton, 2004 , pp. 342-343. ISBN 978-88-541-0030-5 .
Note
Siti par veder ła łinea par le Vignołe Linea 13 F.te Nove - Murano - Vignole - S. Erasmo orario servisio de navigasión Sito de Veneziasi.it video Vignole, Lazzaretto Nuovo, Sant'Erasmo Trattoria ałe Vignołe su Paginegialle.it Trattoriavignole.com, el sito de sta famoxa tratoria che se trova su sta ìxoła
Altri progeti
Categoria:Ìxołe de ła laguna de Venesia Categoria:Pàjine co erori inte łe mape