El canàl de Canaregio el ze una de łe vie d'acua più inportanti de Venesia. El cołega el Canal Grando co l'area nord-osidentàl de Canaregio, infrà łe fondamenta de San Giobbe e ła fondamenta de Saca San Momoło.
Par le dimension superiori a cuełe de i normałi rii interni a'l sentro stòrego, el canàl el parmete l'atraversamento, oltra che a łe picołe inbarcasion, anca a i batełi de l'ACTV.
Architeture left|thumb|Pałaso Surian Bellotto thumb|L'inboco de'l Canal Grando; a sanca Pałaso Labia e ła statua de'l Morlaiter|sinistra Inportanti ze i do ponti che i traversa el canàl infrà i più caratarìsteghi e grandi de ła sità: el ponte de łe Gułie, risałente a'l XVI sècoło, el ze l'unico nobiłià da pinacołi, e el ponte dei Tre Archi, unico ezenpio oncora ezistente in Venesia de ponte a più arcade.
Na statua raprezentante San Giovanni Nepomuceno, òpara de'l Morlaiter, ła ze prezente su ła riva ovest de'l canàl de Canaregio a l'inboco de'l Canal Grando.
Łe do fondamenta che se zlonga a i ładi de'l canàl łe mostra un mucio de fasade de vałor architetònego: su tute, Pałaso Labia, łogà a l'intersion co'l Canal Grando; ma denji de nota ze anca Pałaso Priuli Venier Manfrin, Pałaso Sovergnan, Pałaso Bonfadini Vivante, Pałaso Testa, Pałaso Surian Bellotto.
Oltra a i pałasi, va sitàe anca łe Cieze che se łeva łongo el canàl: Santa Maria dei Penitenti e el só conpleso conventuàl, San Giobe (che a'l canàl revolze el łai de sanca) e San Geremia (co una de łe só do fasàe).
Bibliografia Venezia, Touring Club Italiano, 1970, p. 464.
Altri progeti
Voxe łigàe Canal de ła Zueca Pałasi de Canaregio Siti che se pol vardàr Video su youtube del Canàl del Canaregio Somegie del Canal de Canaregio Somegie del Canal de Canaregio da venicewiki, ła guida cołaborativa de Venesia Descrision del sestièr de Canaregio Itinerario nel sestièr de Canaregio Mapa del sestièr de Canaregio da venicexplorer.net da ombra.net
Canarégio Categoria:Pàjine co erori inte łe mape