Префикс, од prae-figo прикрѣпльовати спередуДворецкий И. Х., с. 795. — часть слова, што ся находить перед корѣньом.Гарайда И., с. 22.Сабов Е. И., с. 16. Главна функция префикса словотворна. Префиксох в едном словѣ може быти веце, або не быти жадного.Жеребило Т. В., с. 287.
Властности Векшина префиксох в русинском языку славянскы, позыченых мало, а суть переважно латинскы: а-, анти-, интер-, ултра-.
Словотворна функция префиксох найвеце продуктивна зоз часословами, з котрыма она приносить додаточны одтѣни змысла. Префиксы суть односно самостойны, понеже не зависять от вплыва флексии. На роздѣл од суфиксох, при словотворбѣ префиксы не створюють нову часть речи, не мѣняють лексико-граматичны властности слова.
Походжѣня Исторично префиксы сформовали ся з первобытных приназывникох. З того вытѣкають их шпецифичны властности: они ся припоюють не ку продуктивной основѣ слова, а ку слову яко цѣлку и не вплывають на его граматичны властности; при морфемной анализѣ слова можут настати тяжкости, споены з выокремлѣньом зложеных префиксох або бывшых префиксох, котры тоту функцию уже стратили и не выокремлюють ся: восток, свида, сворень, свѣдок.
Жерела и одказы Гарайда, Иван: Грамматика руського языка. Унгваръ, 1941. Дворецкий И. Х. Латинско-русский словарь. Изд. второе. М: «Русский язык», 1976. Жеребило Т. В.: Словарь лингвистических терминов. Изд. 5-е. Назрань: изд-во ООО «Пилигрим», 2010. — 488 с. Сабовъ, Евм. Ив.: Грамматика русскаго языка для среднихъ учебныхъ заведеній Подкарпатской Руси. Ужгород, 1924.
Референции
Катеґорія:Морфология (лингвистика)