Призвиско, або фамилийне имя — имя, додаване до крестного имена, наслѣдоване и обще держане цѣлов родинов.Surname. //Encyclopaedia Britannica. В розличных културах свѣта суть розличны традиции формованя призвиска.
Призвиско ся региструе в державных и церковных матриках, мать правный статус и е средством официалной идентификации особы. Призвиско тыж е словом, а значить мать вшиткы лингвистичны властности, не мать лем едну: лексичне значѣня, котре вытратило ся, напримѣр Нѣмчук днесь уже не е сыном Нѣмця.Чучка П. П., сс. V-XXVII.
Етимология призвиск Зачаточно призвиска привязовали особу до: иншой особы, найчастѣйше отця (патроним) — Джонсон (Джона сын), МакДоналд (сын Доналда), Петефи (Петева сын), Макара (Макара сын); мѣста бываня — Бортнянскый (з Бортного), Мункачи (з Мукачова), Ердели (з Ерделя-Ардяла), Лучкай (з Лучок); занятя — Ач (тесарь), Варга (обувник), Галас (рыбарь), Ковач, Кочиш, Купарь (чашник), Сабов; вонкашности особы — Кешеля, Бѣлей, Свѣтлик, Чернега; иншых знакох.
История заводжаня призвиск В Англии призвиска зачали ся появляти около року 1000, найскорше в Европѣ, и процес завершив ся по шѣстьох сторочах.
На Подкарпатской Руси первы русинскы осады и кенизѣ, котры их залюдньовали, споминають ся по року 1213, коли «Коломанъ, молодшый сынъ Андрѣя ІІ., короля угорьського, стауся русськымъ корольомъ».Годинка А., сс. 32-33.
Понеже осадници по 6-12 рокох повинны были платити дань з газдовства, мусѣли быти на евиденции и мати официално зарегистрованы призвиска. Меджи первыма такыма задокументованыма русинскыма призвисками суть: 1215 (Сука, Тегзе), 1226 (Тегза-Болобан), 1336 (Кунак), 1360 (Стан), 1375 (Стоян), 1398 (Стойка).Чучка П. П., словникова часть.
Масове осадництво стало ся в роках 1300-1400, а процес цѣлком ся не завершив ани в 16. сторочу, понеже в полонинах еще все были вандровны пастыре, котры не хотѣли перейти на осѣдле бываня.Ач З., сс. 66-69.
В Украинѣ первы призвиска зачали ся появляти лем в 18. сторочу, до того были лем крестны имена, патронимы и прозывкы.
Яко послѣдна в Европѣ, в року 1935, завела повинны призвиска Турция.
В Исландии призвиска не екзистують, особа идентификуе ся крестным имньом и патронимом.
См. тыж Исландскы имена Испанскы имена
Жерела и одказы Ач, Золтан: Як ся населяли наші села и вароші. //Утцюзнина. Читанка про недїльні школі. Уданя другоє, росшироеноє. Ужгород: ПоліПрінт, 2002. . Годинка, Антоний: Утцюзнина, газдуство и прошлость южно-карпатськыхъ Русинувъ. Написау еденъ сокырницькый сирохманъ. (Будапешт, 1923) Перевыданя факсимиле з позадсловом Иштвана Удвари: Nyíregyháza: Nyíregyházi Főiskola, 2000. Чучка П. П.: Прізвища закарпатських українців. Історико-етимологічний словник. Львів: Світ, 2005. — 704+XLVIII с. . Surname. //Encyclopaedia Britannica.
Референции
Катеґорія:Имена