Чорногора — понад 30 км довге горске пасмо у Восточных Карпатах, в котром находять ся верхы, сягаючѣ вышков над 2000 м. Найвеце популарный объект туристикы в украинской части Карпат. Назва гребеня веде ся од давной назвы верха Чорна Гора (2021 м), котрый теперь найчастѣйше познавають яко Поп Иван. Вѣк гор — архей.
Полога Гребень Чорногора вцѣлови простерать ся на территории Украины и творить природну границю Ивано-Франковской и Закарпатской области, а тыж и вододѣл межи Тисов и Прутом . До рока 1944 тым гребенем бѣгла границя Мадярщины, в роках 1919–1939 Чехословакии з Польщов, в роках 1939–1944 з СССР. Главный гребень тягне ся примѣрно од сѣверозапада на юговосток, але мать и силны бочны западны и слабшы восточны выбѣжкы. На западных выбѣжках тыж находять ся верхы-двохтысячникы. Орографично Чорногора зачне ся од Говерлы и тягне ся до Стога.
Призначности
Гребень Чорногора — доступный туристичный объект, але взимѣ и в часѣ лѣтных бурь смертелно небеспечный. Подля карпатскых захранных служеб «в Чорногору взимѣ ходять три категории людей: алпинисты, захранцѣ и ... самогубцѣ».Василь Кобилюк. Двобій з зимовою Чорногорою закінчився трагічно Василь Кобилюк. Застереження на літній період Цѣлый район належить до природной резервации Карпатскый биосферный заповѣдник. Геологично складать ся переважно з флишу, дагде суть выходы вулканичных горнин. Убочи глубоко порѣзаны, у горѣшной части алпского ландшафта з ледняковыми формами: карами, трогами, сутями нерѣдко цирками, в котрых вытворюють ся озерця. Пониже границь лѣса покрыты буковыми и шпильковыма поростами, повысше — полонинами. Геологично Чорногора зачинать ся од Говерлы и закончуе ся Васкулом (1730 м).
Главнѣйшы вершкы (над 2000 м) Верх Вышка Говерла 2061 м Бребенескул 2036 м Чорна Гора2021 м Петрос 2020 м Гутин-Томнатик 2016 м Ребра 2001 м
Жерела и одказы Голубец М.А., Гаврусевич А.Н., Загайкевич И.К. и др. Украинские Карпаты. Природа. К.,Наукова думка, 1988. Василь Кобилюк. Двобій з зимовою Чорногорою закінчився трагічно (укр.) Василь Кобилюк. Застереження на літній період (укр.) Маринич О. М. (відп. ред.) та ін. Географічна енциклопедія України. К., 1989.
Референции
Катеґорія:Верхы и горскы пасма Катеґорія:Верхы и горскы пасма Украины Катеґорія:Верхы и горскы пасма Закарпатской области