Тячово (укр. Тячів, русс. Тячево, мад. Técső, рум. Teceu Mare, слов. Ťačovo) — город, районный центер Тячовского района Закарпатской области Украины.
Полога Город находить ся на правом березѣ Тисы, але историчны части его находять ся на другом березѣ в Румынии. Од областного центра оддаленый на 136 км. Через Тячово иде автодорога Ужгород–Рахово и желѣзниця Ужгород–Солотвино.Тронько П., с.567
Обывательство Року 1836 в Тячовѣ жило 1814 людей.Тронько П., c. 570 Року 1910 обывательство чинило 5910 душ, з того Мадяре — 4482, Русины — 855 и Нѣмцѣ — 434.A történelmi Magyarország atlasza és adattára
Року 1930 в Тячовѣ были 7417 жителѣ, з них Русины — 3066, Мадяре — 2335, Евреи — 1431, Чехы и Словаци — 298, Нѣмцѣ — 36, иншы — 36, чужоземцѣ — 212.Достал Я., с. 225
В послѣдных роках обывательство указуе стабилный спад: 9786 жителей (2001), 9601 жителей (2010), 9127 (2014), 9112 (2015), 9043 (2016).
История
Первый раз спомянутое року 1211 яко Tecu. Од року 1308 въедно з Вышковом, Тереблев и Сигетом споминать ся, як доправник соли. В середных вѣках ту жили роботници, што рубали соль в соляных банях. Року 1329 краль Карол Роберт даровав варошу статус кралевского. Técső быв еден из пятьох коронных вароши в Мараморошу. В документах стрѣчають ся назвы: Thechew (1336), Techew (1406), Teczyo (1453), Thewche (1459), Tetso (1851) и др. Хоть в основаню села могла быти участь сасскых колонистов, нѣмецку природу назвы етимологы в новшых часах одмѣтують. Найправдоподобнѣйше, же походить од прозвища Técs , зафиксованого в мадярскых документах уже в рр. 1219–1320.Sebestyén Zsolt, c. 139
Року 1914 ту точили ся остры бои з русскым войском.Révai Nagy Lexikona, XVIII. том, c. 41 До Трианона Тячово было центром Тячовского яраша (округа). По Трианону готарь Камениця и Малое Тячово (мад. Kistécső, рум. Teceu Mic), што суть на лѣвом березѣ Тисы, одышли Румынии, а в роках 1941–1944 назад стали ся частев Тячова, пак зась одышли Румынии. Од року 1961 Тячово мать статус города.
Целебриты културы Тридцять рокы (1910–1939), главный период свого активного живота, в Тячовѣ жив и творив вызначный руськый писатель и педагог Александер Маркуш. Ту писав учебникы и читанкы про школы, повѣданя, редаговав молодежный часопис «Наш родный край».Тронько П., с. 573 Довгый час в Тячовѣ творив мадярскый живописець-реалиста Шимон Голлоши, проводник Мюнхенской малярской школы. Од року 1904, въедно зо своими учениками, серед котрых были и российскы маляре, приходив з Мюнхена на мальованя до Тячова. Року 1914 перенюс ся сюды навсе, ту робив до смерти (1918) и написав ряд образов, што теперь суть в експозиции Народной галерии Будапешта.Тронько П., cс. 570–571 Мож видѣти дом, де жив малярь и памятник, котрый му поставили року 1993.
Памятникы старины Стародавный монастырь чину Св. Павла, котрый ествовав уже перед роком 1363. Навщивляли и богато обдаровали го краль Лайош Велькый, его дѣвка Мария, краль Матяш и его вдова кралиця Беатрикс.Révai Nagy Lexikona, XVIII. том, c. 41 Деревяна грекокатолицка церковь Св. Михаила (1751). Католицка церковь Св. Штефана (1780). Памятник Лайошу Кошуту (1896).
Жерела и одказы A történelmi Magyarország atlasza és adattára. 1914. Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Sebestyén Zsolt. Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Ярослав Достал. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Закарпатська область. К. 1969.
Референции
Катеґорія:Населены пункты Украины Катеґорія:Населены пункты Закарпатской области Катеґорія:Міста Україны