Мармарошскы Верхы (, ) — горске пасмо у Восточных Карпатах. Вѣк-гор — архей.
Полога Векша часть того пасма простерать ся на территории Румынии. В границях Украины, до Ивано-Франковской и Закарпатской области) высягають его сѣверны и сѣверовосточны окраи, Раховскы Верхы (або Гуцулскы Алпы) и Чивчинскы Верхы. До рока 1944 Раховскыма Верхами закончовала ся границя Румынии з Чехословакиев, а Чивчинскыма Верхами — з Польщов, а на верху Стог (1653 м) стыкали ся три границѣ. Границю пасма творять рѣкы Бѣла Тиса з сѣверной стороны, и Вишеу з южной.
Призначности Раховскы и Чивчинскы Верхы — еден из найменше доступных горскых районов Украины. Про доступ до тутешной приграничной зоны Украины, туристы потребують мати урядный дозвол од пограничной службы.Як достати дозвол на приступ в Мармарошскы горы Часть пасма Раховскы Верхы окрем того належить до природной резервации Карпатскый биосферный заповѣдник. На румынском боцѣ цѣла розлога Мармарошскых Верхов выголошена за Народный природный парк Мармарошскы Верхы.
Мармарошскы Верхы нетипичны про Карпаты. Суть они барз давны, сформовали ся в первогорной добѣ. Складены суть з метаморфозованых кришталичных усадженин: лупков, гнайсов и др. Верхы ту суть высокы, з прикрыма убочами и глубокыма узкыма долинами, напоминають алпскы ландшафты.
Главнѣйшы вершкы В Румынии Верх Вышка Фаркеу 1961 м Неньеска (Мика-Маре) 1820 м Жербан 1795 м Пьетросул 1784 м В Украинѣ Верх Вышка Поп Иван (Раховскый) 1936 м Чивчин 1769 м Стог 1653 м
Жерела и одказы Маринич О. М. (відп. ред.) та ін. Географічна енциклопедія України. К., 1989. Як достати дозвол на приступ в Мармарошскы горы
Референции
Катеґорія:Верхы и горскы пасма Катеґорія:Верхы и горскы пасма Украины Катеґорія:Верхы и горскы пасма Закарпатской области