Бобота (хорв.: Bobota; серб.: Бобота) — сербске село в Хорватии на ей восточной граници з Сербиев.
Полога Село лежить 12 км на запад од пограничной рѣкы Дуная и е друге найвекше по центрѣ общины Трпиня, оддалене од него о 3 км на запад. Од найблизшого придунайского города Вуковар оддалене о 14 км на сѣверозапад.
История Первый раз упоминать ся року 1296, коли была маетком мадярского велможского рода. При неясных околностях старе обывательство одышло и од року 1366 стало в селѣ суть нотованы сербскы православны жителѣ.
В часѣ Первой свѣтовой войны село было под австро-угорсков владов и около сто боботчанох были мобилизованы и посланы воевати на два фронты: против Сербии и против России, велике число з них при первой можности перешли на противну сторону, а по войнѣ около 40 вернули ся в село, около 30 загынули, воюючи на сербской сторонѣ.
В току Другой свѣтовой войны в Боботѣ было поднято повстаня против нѣмецкых окупантох, в народно-ослободителных боях загынули 96 боботчаны, около 30 были росстрѣляны, около 700 триманы в концентрачных лаграх.
Памятникы Церковь Св. великомученика Георгия, 1778. Помник борцям и жертвам Другой свѣтовой войны.
Днешность села Векшина обывательох занята в земледѣлствѣ.
В селѣ фунгуе восямкласна школа, котра мать филиалкы в сосѣдных селах Пачетин, Вера, Клиса и Людвинци. В школѣ ся выучуе по сербскы и по хорватскы.
В селѣ е активне културно-умѣлецке дружство КУД Джоко Паткович, фотбаловый клуб Борац Бабота, шаховый клуб.
Подля списованя обывательства 1991. року, Бобота мала 1.881 обывателя, з них: НародностьОсобЧасткаСербы 1.769 94.04%Хорваты 56 2.97%Югославы 34 1.80%Мадяре 3 0.15%Могамедане 3 0.15%Русины 3 0.15%Чехы 1 0.05% иншы 8 0.42%незяснены 4 0.21% Вкупно 1881
Референции
Катеґорія:Населены пункты Хорватии