Нормане, Normans, Normands, Nortmanni / Normanni циже сѣверны люде — западноевропска назва тых викингскых племен, котры в середновѣку добыли розличны територии в Европѣ.Encyclopedia Britannica
В Западной Европѣ Были то поганскы пираты шкандинавского походжѣня, котры чинили напады на европскы берегы од VIII. стороча. В середновѣкой западной Европѣ нелегко было найти великый и богатый город, котрый бы хоть лем еден раз не быв спустошеный нима. Настало ся осадили в устю и долном току Сейны около року 900, а в року 911 краль Шарл III. Простодушный даровав им Руан з околицьов, де они основали герцогство Нормандия. Нормандскы герцогы прияли христианство и французскый язык, але зостали при своей бетярской и добывательской натурѣ. В XI. сторочу они захватили Англию (1066).А. М. Цирульников
В Малой Азии Они брали участь в крижарскых войнах, в Левантѣ створили Антиохийске княжество (1098), едну з первых крижарскых держав, колонизовали южну Италию и Сицилию и створили там свое кральовство (1130).
Интересны факты Нормане были добры мореплавцѣ свого часу. Они досягли Шетландскы и Фарерскы островы, пак объявили и заселили «ледову» Исландию. Одты в X. сторочу Эйрик Рыжый поплавав на запад и объявив дотогды непознату землю, котру назвав «зеленов земльов» — Гренландом — погадавши на то, же така назва прилакомить там переселенцьох. Пак, около року 1000, сын Эйрика Лейв Эйриксон насмѣлив ся ити ещи дале и по довгой плавбѣ трафив на берегы Сѣверной Америкы. На островѣ Нюфаундленд при берегах Сѣверной Америкы Нормане основали осаду, правда, ненадовго. Уже в XX. сторочу остаткы той осады роскопали археологы. Лейв Эйриксон быв первым европаном, што побывав в Новом Свѣтѣ за 500 рокы до Колумба.
Жерела и одказы
Референции
Катеґорія:Історія Европы Катеґорія:Середновік