Ole Iversson Teige () var ein norsk gardbrukar og stortingsmann frå Nord-Fron.
Teige var son til ein gardbrukar. Sjølv gjekk han ein vinter på Jørgen Olafsen sin folkehøgskule i Veøy, og ein annan vinter på privat amtsskule på Hamar. Han hadde også ein vinter på Jønsberg landbruksskule. Frå 1878 var han gardbrukar på Hov, ein gard som hadde høyrd slekta til i over 250 år. Han var ordførar i Nord-Fron 1894-98 og 1902-07.
Teige representerte Kristians amt på Stortinget frå 1889 til -94, der han var medlem av landbrukskomiteen. 1893-sesjonen var han grunna sjukdom permittert frå 14. juli. I 1895 var han medlem av den parlamentariske landbrukskommisjonen og i 1906 av den departementale jordkomiteen.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Norske gardbrukarar frå 1800-talet Kategori:Norske gardbrukarar frå 1900-talet Kategori:Stortingsrepresentantar 1889-1891 Kategori:Stortingsrepresentantar 1892-1894 Kategori:Folk frå Nord-Fron