«Rock and Roll Music» er ein song skriven og opphavleg spelt inn av Chuck Berry. Songen vart ein hit i 1957 og seinare spelt av mange artistar, mellom anna The Beatles og The Beach Boys. Hausten 1957 nådde innspelinga hans sjetteplassen på Billboard si R&B Singles-liste og åttandeplassen på Hot 100-lista.
Teksten omhandlar gledene med rock and roll samanlikna med andre musikkstilar og uttrykker at songaren berre vil danse til denne musikkstilen og ingen annan.
I 2004 rangerte Rolling Stone Berry sin versjon på 128. plassen på lista si over dei 500 beste songane gjennom tidene. Songen er òg med på lista til Rock and Roll Hall of Fame over dei 500 songane som forma rock and roll.
Chuck Berry-versjonen
Innspelinga til «Rock and Roll Music» fann stad 6. eller 21. mai 1957 i Chicago i Illinois. Innspelinga vart produsert av Leonard Chess og Phil Chess. Berry vart akkompagnert av Lafayette Leake (piano), Willie Dixon (bass) og Fred Below (trommer).
Ei stund etter singelen kom ut i september 1957, nådde «Rock and Roll Music» sjetteplassen på Billboard si R&B Singles-liste og åttandeplassen på Billboard Top 100-lista før året var omme.
The Beatles version
The Beatles framførte songen på mange av dei tidlege konsertane sine i Hamburg, og på BBC-showet Pop Go The Beatles. Seint i 1964, då bandet var slitne etter lange turnear og innspelingar, mangla dei nye songar og valde å spele inn somme av dei gamle rock and roll- og rhythm and blues-favorittane sine for å få nok songar til albumet Beatles for Sale. Blant desse var Berry-songen som vart nesten like kjend i deira versjon som originalen. John Lennon song vokal på Beatles-versjonen. I motsetnad til den jamne vokalen til Berry, song Lennon songen så høgt og dynamisk som røysta hans kunne tole. I USA vart songen gjeven ut på albumet Beatles '65. Songen var ein del av konsertsongane deira fram til den siste turneen deira i 1966.
Songen var òg tittelspor på samlealbumet Rock 'n' Roll Music.
The Beatles sin versjon av «Rock and Roll Music» vart gjeven ut på singel i somme land, og toppa salslistene i Finland, Noreg (tre vekerVG-lista), Nederland (dobbel a-side med «No Reply») og Australia.
Medverkande John Lennon, vokal, rytmegitar Paul McCartney, bass George Harrison, elektrisk gitar Ringo Starr, trommer George Martin, piano Medverkande i følgje The Beatles Bible
The Beach Boys-versjonen
På The Beach Boys-versjonen vart det brukt korvokal som repeterte linja «Rock, roll, rockin' and roll.» Det er ein skilnad mellom versjonen dei gav ut på singel og versjonen dei gav ut på album. På albumversjonen var det meir synthesizer. Versjonen deira nådde femteplassen på den amerikanske singellista og 11. plassen i Canada sommaren 1976.http://www.bac-lac.gc.ca/eng/discover/films-videos-sound-recordings/rpm/Pages/image.aspx?Image=nlc008388.4299a&URLjpg=http%3a%2f%2fwww.collectionscanada.gc.ca%2fobj%2f028020%2ff4%2fnlc008388.4299a.gif&Ecopy=nlc008388.4299a
Medverkande Mike Love, solovokal Brian Wilson, orgel, piano, Moog bass, synthesizer Dennis Wilson, trommer, vokal Carl Wilson, vokal Al Jardine, vokal Mike Altschol, saksofon, klarinett Ed Carter, gitar Steve Douglas, saksofon Dennis Dreith, saksofon, klarinett Gene Estes, perkusjon Billy Hinsche, gitar John J. Kelson, Jr., saksofon, klarinett Carol Lee Miller, autoharpe Jack Nimitz, saksofon, klarinett
Lister
Vekeslister Liste (1976)PlasseringAustralia35Canada RPM Top Singles11UK 36US Billboard Hot 100Joel Whitburn's Top Pop Singles 1955-1990 - ISBN 0-89820-089-X5US Cash Box Top 100Cash Box Top 100 Singles, July e1, 197611
Årslister Liste (1976)RankCanada112US Billboard Hot 100Musicoutfitters.com81
Andre versjonar Songen er blitt spelt inn av mange kjende artistar, som Bill Haley & His Comets, Dickie Rock and the Miami Showband, REO Speedwagon, Mental As Anything, Humble Pie, Manic Street Preachers og Bryan Adams. Berry spelte songen 16. desember 1957 på det kortvarige varietéshowet The Guy Mitchell Show.
Kjelder
Denne artikkelen bygger på «Rock and Roll Music» frå , den 19. september 2008. oppgav desse kjeldene:
Bakgrunnsstoff
Kategori:Songar frå 1957 Kategori:Singlar frå 1957 Kategori:Singlar frå 1965 Kategori:Singlar frå 1976 Kategori:Chess Records-singlar Kategori:Chuck Berry-songar Kategori:The Beatles-songar Kategori:The Beach Boys-songar Kategori:Songar på toppen av VG-lista Kategori:Nummer-ein-singlar i Australia 129 Kategori:Songar om musikk Kategori:Songar produserte av George Martin Kategori:Songar skrivne av Chuck Berry Kategori:Parlophone-singlar Kategori:Reprise Records-singlar Kategori:Bill Haley-songar Kategori:Jan & Dean-songar Kategori:Humble Pie-songar Kategori:Sven Ingvars-songar Kategori:REO Speedwagon-songar Kategori:Tom Jones-songar Kategori:Manic Street Preachers-songar Kategori:Bryan Adams-songar Kategori:James Last-songar