Øystein Langholm Hansen () er ein grafikar, fagforeiningsmann og politikar. Han representerte Rogaland og Arbeidarpartiet i Stortinget 2017–21.
Hansen starta si yrkeskarriere som maskinassistent i bedrifta A-trykk. Han tok fagprøva som repromontør i Stavanger og busette seg på Tau. I ei ti års tid leia han Stavanger Grafiske Fagforening og Sørvestlandet Grafiske Fagforening. Samstundes var han medlem av forbundsstyret i Norsk Grafisk Forbund. I 2005 tok han over som distriktssekretær for Landsorganisasjonen i Rogaland.
Ved stortingsvalet 2013 var Hansen fjerdekandidat for Arbeidarpartiet i Rogaland, valt til vararepresentant og møtte tidvis. Fire år seinare lukkast han få fast plass gjennom stortingsvalet 2017. På Tinget var han medlem i Transport- og kommunikasjonskomiteen. I 2021 vart han ikkje nominert til attval.
Kjelder
Kategori:Stortingsrepresentantar 2017-2021 Kategori:Stortingsrepresentantar frå Ap Kategori:Stortingsrepresentantar for Rogaland Kategori:Vararepresentantar til Stortinget