Фредерик Орпен Боуер (4 ноември 1855 – 11 април 1948) бил англиски ботаничар. Тој бил избран за член на Кралското друштво во 1891 година. Бил награден со Златен медал на Линеовото друштво во 1909 година и со Дарвинов медал на Кралското друштво во 1938 година.W. H. Lang, ‘Bower, Frederick Orpen (1855–1948)’, rev. Thomas Junker, Боуер бил претседател на Британската асоцијација во периодот 1929–1930 година.

Живот Боуер бил роден во Рипон во Јоркшир, син на Абрахам Боуер и Корнелија Морис, сестра на истакнатиот ботаничар Франсис Орпен Морис. Се школувал во училиштето Рептон во Дербишир пред да студира на колеџот Тринити во Кембриџ, каде што магистрирал во 1877 година.

Во 1880 година, се вработил како асистент-предавач по ботаника на Универзитетскиот колеџ во Лондон, под водство на Томас Хаксли. Во 1882 година, се преселил во Јужен Кенсингтон како редовен предавач по ботаника. Во овој период тој поминал време во Кју Гарденс учејќи со Дакинфилд Хенри Скот. Во 1885 година, бил награден со катедра по ботаника на Универзитетот во Глазгов и бил професор таму до 1925 година.

Боуер никогаш не се оженил. Кога се пензионирал, се вратил во Рипон и починал таму во април 1948 година.

Членства

Член на Кралското друштво во Единбург (1886) Член на Кралското друштво (1891) Член на Кралското друштво на Белгија Член на Академијата на науките во Минхен Член на Кралското данско друштво

Почести и награди

Претседател на Ботаничкото друштво во Единбург за периодот 1893–95 година. Потпретседател на Кралското друштво во Единбург од 1910 до 1916 година и претседател од 1919 до 1924 година, добивајќи ја наградата Нил во 1925 година.

Публикации

Практична ботаника за почетници (1894) Потеклото на копнената флора (1908) Растителен свет на земјата (1911) Папратите 3 тома (1923–28) Растенија и човек (1925) Големина и форма кај растенијата (1930) Примитивни копнени растенија (1935) Шеесет години ботаника во Британија, 1875-1935 (1938)

Архиви Архивите за Фредерик Орпен Боуер ги одржува Архивата на Универзитетот во Глазгов (GUAS) .

Наводи

Надворешни врски

NAHSTE: Документи на Фредерик Орпен Боуер на www.nahste.ac.uk

Категорија:Странски членови на Индиската национална академија на науките Категорија:Членови на Кралското друштво на Единбург Категорија:Носители на Кралскиот медал Категорија:Членови на Линеевското друштво во Лондон Категорија:Англиски ботаничари Категорија:Починати во 1948 година Категорија:Родени во 1855 година Категорија:Статии со hCards Категорија:Ботаничари со авторски кратенки