Рави Колтрејн (роден на 6 август 1965 година) е американски џез саксофонист. Ко-сопственик на издавачката куќа „РКМ мјузик“ тој продуцирал музика за пијанистот Луис Пердомо, гитаристот Дејвид Гилмор и трубачот Ралф Алеси.
Биографија Рави Колтрејн е син на саксофонистот Џон Колтрејн и џез харфистката Алис Колтрејн. Тој е второроден од трите деца на Џон и Алис Колтрејн, а другите деца се Џон Џуниор и Оран. Израснал во Лос Анџелес, Калифорнија, и го добил името по ситар свирачот Рави Шанкар. Рави Колтрејн имал помалку од две години во 1967 година кога починал неговиот татко.
Завршил средно училиште во Вудленд Хилс, Калифорнија во 1983 година. Во 1986 година студирал музика, концентрирајќи се на саксофон на Калифорнискиот институт за уметности. Тој често работел со Стив Колман, што имашело значително влијание врз музичката концепција на Колтрејн. Колтрејн свирел и со Гери Ален, Кени Барон, Мекој Тајнер, Фароа Сандерс, Херби Хенкок, Карлос Сантана, Стенли Кларк, Чик Кореа и Бранфорд Марсалис.
Во 1997 година, Колтрејн го снимил неговиот прв албум Moving Pictures, во соработка со тапанарот Џеф „Тејн“ Вотс, басистот Лони Плаксико и пијанистот Мајкл Кејн. Следувала турнеја со неговиот работен бенд, со Енди Милн на пијано, тапанарот Стив Хас и басистот Лони Плаксико. Вториот албум на Колтрејн, From the Round Box (2000), бил снимен со пијанистот Гери Ален, трубачот Ралф Алеси, басистот Џејмс Генус и тапанарот Ерик Харланд. Mad 6 (2002) бил првиот албум на Колтрејн за Сони, а во 2005 година го снимил албумот In Flux (2005). мини| Колтрејн (десно) и Мекој Тајнер настапуваат на џез фестивалот во Њупорт во август 2005 година Во јануари 2005 година, Колтрејн за првпат настапил во Индија како дел од делегација на американски џез музичари испратени на турнеја од Стејт департментот за промовирање на свеста за ХИВ/СИДА. Настапите вклучувале концерт на 16 јануари во Мумбаи (Бомбај), трибјут на Мартин Лутер Кинг Џуниор во Делхи на 17 јануари, и музички фестивал во Делхи на 18 јануари организиран од виолинистот Л. Субраманиам. Исто така, на 18 јануари, Колтрејн настапил во центарот Колтрејн Шанкар, каде Колтрејн се сретнал со човекот по кој го добил името. Зел кларинет за да се вклучи во непланирана џем сесија, при што Колтрејн изјавил: „Малку сум нервозен со мајсторот овде“.Lavezzoli, Peter. The Dawn of Indian Music in the West, Continuum International Publishing Group, page 293, (2006) – .
Квартетот Колтрејн настапил на џез фестивалот во Монтереј во 2001 и 2013 година, на џез фестивалот во Монтре и на џез фестивалот во Њупорт во 2004 година и на Виенскиот џез фестивал во 2005 година.
Личен живот Рави Колтрејн бил чувствителен и срамежлив како млад. Тој се заинтересирал за фотографија и филм, и се обидел да продолжи кариера во една од двете. Почнал да свири кларинет, но во средно училиште се префрлил на саксофон.
Трагедија го погодила семејството во 1982 година кога неговиот постар брат Џон Колтрејн Џуниор починал во сообраќајна несреќа на 17-годишна возраст. Овој настан оставил големо влијание врз Рави, по што тој го напуштил училиштето. И покрај траумата што му ја предизвикала смртта на неговиот брат, сепак влијаела на неговата одлука да студира музика. Се запишал на Калифорнискиот институт за уметности во 1986 година каде продолжил да студира музика. Дипломирал, и се преселил во стан со простор за проби во непосредна близина на комерцијален простор во Квинс во 1991 година. Оттаму соработувал со Елвин Џонс, Џек Де Џонет, Валас Рони, Џоан Бракин и Стив Колман.
Во 1991 година Колтрејн се запознал со Кетлин Хенеси, менаџерката на Регатабар. Тие се венчале во 1999 година и имаат два сина, Вилијам и Арон.
Колтрејн живее во Бруклин, Њујорк и е претседател на организацијата посветена на зачувување на музејот и истражувачки центар со седиште во домот на Џон и Алис Колтрејн во Дикс Хилс, Лонг Ајленд.
Галерија
Наводи
Надворешни врски All About Jazz: Ravi Coltrane: In Flux Ravi Coltrane on NPR
Категорија:Луѓе од Лонг Ајленд Категорија:Живи луѓе Категорија:Родени во 1965 година Категорија:Џез саксофонисти Категорија:Американски џез тенор-саксофонисти Категорија:Американски џез сопран-саксофонисти