мини|269x269пкс|Clathrus archeri Clathrus archeri е вид на сапрофитна габа од родот Clathrus со карактеристична форма слична на октопод. Тоа е редок и законски заштитен вид на печурка. Не може да се јаде поради исклучително непријатниот мирис, сличен на гнило месо.

Опис Младото плодно тело на Clathrus archeri е затворено во сиво-бела сферична лушпа слична на јајце, од чиј врв растат делови од плодното тело кои наликуваат на краците на октопод, кои однадвор се розови, а внатре светло-црвени. Ги има од 4 до 7 и се покриени со маслинеста глеба во која се наоѓаат спорите. Соседните краци првично се исправени и споени на врвот, но подоцна се одделуваат, давајќи изглед на морска ѕвезда или октопод.

Розовата и црвената боја и непријатниот мирис потсетуваат на гнило месо, привлекувајќи муви и други инсекти кои на тој начин помагаат во ширењето на спорите.

Слично на неа е Clathrus ruber, која е црвена или портокалова и има облик на мрежести шипки со широки полигонални дупки.

Живеалиште Clathrus archeri потекнува од Австралија и е донесена во Европа за време на Првата светска војна. Вообичаена е во Франција (каде за прв пат е забележана во 1914 година), Германија, Швајцарија, Австрија, Чешка и Полска, додека многу поретка е во Хрватска, Словенија и Босна и Херцеговина.

Најчесто расте во лето (од јули до септември) во влажни, засенчени ливади и листопадни шуми.

Употребливост Оваа печурка не се јаде поради непријатниот мирис на гнило месо и расипани јајца.

Синоними

Anthurus archeri (Berk.) E. Fisch. 1886 Anthurus sepioides McAlpine 1903 Aseroë rubra Aserophallus archeri (Berk.) Kuntze 1891 Clathrus archeri var. archeri (Berk.) Dring 1980 Lysurus archeri Berk. 1859 Pseudocolus archeri (Berk.) Lloyd 1913 Schizmaturus archeri (Berk.) Locq. 1977

Галерија

Наводи

Литература

Kranjčev, R. (2008) The Great Polyp, Forestry Journal 9–10, pp. 482. http://www.crtice-hrvatske.com/pregled_clanaka.php?sifra_objekta=svijet_gljiva&redni_broj=61 http://www.svijet-gljiva.com/katalog-gljiva/item/91-clathrus-archeri Категорија:Нејадливи габи Категорија:Габи Категорија:Габи на Австралија