Палома Фејт Бломфилд (англ. Paloma Faith Blomfield; родена на 21 јули 1981) ― англиска пејачка и глумица. Фејт е позната по нејзиниот ретро и ексцентричен стил. Нејзината музика е спој на соул со елементи на џез и госпел-музика; поради ова, таа е често споредувана со Ејми Вајнхаус, Адел и Дафи.Robinson, Lisa (March 2013). "Hot Tracks: Paloma Faith". Vanity Fair. (Archived from the original on the Wayback Machine on 27 February 2015)
Во 2008 година потпишала договор со Epic Records и следната година го објавила нејзиниот прв студиски албум. Фејт ја освоила наградата за „Најдобра британска соло пејачка“ на Британските музички награди во 2015 година.
Како глумица, Фејт глумела во: Девојките од Сент Тринијан (St. Trinian's (2007)), The Imaginarium of Doctor Parnassus (2009), Dread (2009), Младост (2015) и Pennyworth (2019–2022). Таа, исто така, била ментор во телевизиските талент-емисии „Британски Глас“ (2016) и „Глас за деца“ (2020).
Живот и кариера Палома Фејт Бломфилд е родена на 21 јули 1981 година во населбата Хакни во Лондон. Нејзината мајка е Англичанка, а татко ѝ Шпанец. Нејзините родители се разделиле кога таа имала две години и се развеле две години подоцна. Како дете земала часови по балет во Далстон. Студирала современ танц во Лидс. Потоа запишала магистерски студии по театарска режија на колеџот „Сентрал Сент Мартинс“ во Лондон и во меѓувреме за да ги плати студиите работела најразлични работи: продавач во продавницата за долна облека Agent Provocateur, пејачка во кабаре, шанкерка, позирала како модел за сликање, помошник стилист и помошник на магионичар.
Во 2008 година потпишала договор со Epic Records и во 2009 година го издала нејзиниот прв студиски албум, Do You Want the Truth or Something Beautiful?. Албумот бил сертифициран за двојно платинест во Обединетото Кралство и од него биле објавени сингловите: „Stone Cold Sober“, „New York“ и „Upside Down“. Нејзиниот втор студиски албум, Fall to Grace (2012), се искачил на второто место на топ-листата за албуми во Обединетото Кралство. Од албумот биле објавени сингловите: „Picking Up the Pieces“ кој станал нејзин прв сингл кој се пласирал во топ-10 и преработката на песната „Never Tear Us Apart“ од INXS. За албумот била номинирана за награда во две категории на Британските музички награди.
Нејзиниот трет студиски албум, A Perfect Contradiction (2014), е нејзин најуспешен албум досега. Од албумот произлегле успешните синглови: „Can't Rely on You“ и „Only Love Can Hurt Like This“. Фејт соработувала со групата Sigma кои го објавиле синглот „Changing“ (2014), кој се искачил на прво место на топ-листата за синглови во Велика Британија. На нејзиниот четврти студиски албум, The Architect (2017), му претходел водечкиот сингл „Crybaby“ и албумот дебитирал на првото место во Обединетото Кралство, со што станал прв албум на Фејт кој стигнал до првата позиција. Во 2018 година, таа соработувала со диџеј Сигала на синглот „Lullaby“. Нејзините следни два студиски албуми, Infinite Things (2020) и The Glorification of Sadness (2024) успеале да се пласираат во топ-5 на Британската топ-листа за албуми.
Дискографија
Do You Want the Truth or Something Beautiful? (2009) Fall to Grace (2012) A Perfect Contradiction (2014) The Architect (2017) Infinite Things (2020) The Glorification of Sadness (2024)
Наводи
Надворешни врски
Paloma Faith discography at Discogs
Paloma Faith portrait competition at BBC Blast
Категорија:Добитници на Британски музички награди Категорија:Англиски поп-пејачки Категорија:Англиски рок-пејачи Категорија:Англиски кантавтори Категорија:Англиски кантавторки Категорија:Англиски соул пејачи Категорија:Живи луѓе Категорија:Родени во 1981 година Категорија:Статии со hCards Категорија:Статии со краток опис Категорија:Матични мрежни места што не е исти на Википодатоците и на Википедија Категорија:Глумици од Лондон Категорија:Англичани со попреченост Категорија:Пејачи од Лондон Категорија:Англиски телевизиски глумици Категорија:Англиски танчерки Категорија:Англичани со шпанско потекло Категорија:Англиски филмски глумици Категорија:Англиски џез-пејачи Категорија:Англиски мецосопрани