Leonard Peltier, nado en Grand Forks o 12 de setembro de 1944, é un activista indíxena dos EUA e membro do American Indian Movement (AIM).
Traxectoria En 1977 foi condenado a dúas cadeas perpetuas polo asasinato de dous axentes do FBI que morreron durante un tiroteo en 1975 na reserva india de Pine Ridge, nos territorios sagrados síux de Dakota do Sur, onde se atopara meses atrás uranio e carbón, e no que morreron asasinados 250 indíxenas.
Hai un debate importante sobre a culpabilidade de Peltier e a imparcialidade do seu xuízo. Algunhas organizacións considérano un preso político. Amnistía Internacional ten dito que "Malia non ser tomado como un prisioneiro de conciencia, hai preocupación sobre a imparcialidade do proceso que levou á súa condena e crese que diferentes factores políticos poden ter influído no modo en que foi levado o caso." Hoxe en día está nunha prisión de Lewisburg, Pennsylvania.
Por mor dos máis de 30 anos que leva na cadea, a saúde de Leonard Peltier é precaria; é diabético e fállalle a visión dun ollo. Dende 1985 pinta cadros ao óleo expresando falta de todo odio. Nelson Mandela propuxo a súa liberación ao entón presidente Bill Clinton, que lla denegou, logo de recibir presións do FBI.
Apoios 300px|miniatura|Pintada en apoio da posta en liberdade de Peltier. Robert Redford foi o produtor dunha película documental de título Incident at Oglala, baseada nos sucesos que aconteceron na reserva en 1975 que non ten sido distribuída aos cinemas americanos e europeos. Grandes personalidades mundiais como o Dalai Lama e o xa nomeado Nelson Mandela intercederon ante varios presidentes dos Estados Unidos sen éxito para conseguir indulto. Tamén ten recibido o apoio de Rigoberta Menchú, Amnistía Internacional, o Alto Comisionado das Nacións Unidas para os Dereitos Humanos, o Ejército Zapatista de Liberación Nacional, o Parlamento EuropeoResolution on the case of Leonard Peltier, Parlamento Europeo, 11 de febreiro de 1999, o Parlamento BelgaVoorstel van resolutie betreffende Leonard Peltier, Parlamento de Bélxica, 29 de xuño de 2000, o Parlamento Italiano, o Kennedy Memorial Center for Human Rights, e o Arcebispo Desmond Tutu, entre outros.
Hoxe en día é o símbolo por excelencia da resistencia india. En 1986 recibiu o premio da Asociación Pro Dereitos Humanos de Madrid.
Notas
Véxase tamén Bibliografía . .
Ligazóns externas Leonard Peltier: "When Truth Doesn't Matter. Thirty Years of FBI Harassment and Misconduct". CounterPunch, 9 de xaneiro de 2007. Interview with Leonard Peltier from jail in 2000, por Democracy Now! Documentos do Arquivo do FBI sobre Leonard Peltier Official International Leonard Peltier Defense Committee Website AMerican Indian Movement
Categoría:Activistas dos Estados Unidos de América Categoría:Nados en 1944 Categoría:Nados no condado de Grand Forks, Dacota do Norte Categoría:Estadounidenses de ascendencia francesa Categoría:Activistas nativos americanos Categoría:Indixenistas de América Categoría:Membros do American Indian Movement