Нам Док У (; 22 красавіка 1924 — 18 мая 2013) — паўднёвакарэйскі дзяржаўны і палітычны дзеяч, прэм’ер-міністр Рэспублікі Карэя (1980—1982).
Біяграфія У 1950 годзе скончыў Універсітэт Кунмін, атрымаўшы ступень бакалаўра ў галіне палітычных навук. Працаваў у банку Карэі. У 1956 годзе атрымаў дыплом магістра эканомікі Сеўльскага нацыянальнага ўніверсітэта. У 1961 годзе стаў доктарам эканамічных навук Універсітэта штата Аклахома. Быў прафесарам эканомікі Універсітэта Саган, перш чым пачаць актыўную палітычную дзейнасць.
З 1969 па 1974 гады ўзначальваў Міністэрства фінансаў Паўднёвай Карэі. Лічыцца цэнтральнай фігурай «карэйскага эканамічнага цуду». У 1974—1978 гадах — намеснік прэм’ер-міністра па пытаннях эканомікі і развіцця прамысловасці. З 1980 года да 1982 года ўзначальваў Урад Рэспублікі Карэя.
Пасля выхаду ў адстаўку быў старшынёй Карэйскай міжнароднай гандлёвай асацыяцыі. У 1983—1985 гадах займаў пасаду старшыні Савета Ціхаакіянскага эканамічнага супрацоўніцтва.
У 2007 годзе быў дарадцам кандыдата ў прэзідэнты Пак Кын Хэ, якая, нягледзячы на сваю паразу, здолела ў 2013 годзе ўсё ж выйграць прэзідэнцкія выбары.
Спасылкі Former Prime Minister Nam Duck-woo dies at 89. 19 мая 2013
Катэгорыя:Прэм’ер-міністры Паўднёвай Карэі Катэгорыя:Эканамісты Паўднёвай Карэі Катэгорыя:Міністры Паўднёвай Карэі