La Somałia el xe no Stato de ł'Afrika oriental, inte el Korno d’Afrika. La konfina ko Jibuti a nordovest, l’Etiopia e el Kenia a ovest;la ga na longa kosta sul Golfo de Aden a nord e l’Oceano Indiano a sudest.
Zeografia
La Somałia xe on paexe desertiko o semi-desertiko.
Storia
Antighità La Somałia l’è sta abitada fin da i tempi preistóregi.
I ejisiani vegnei fin ki par far markà.
Inte el II sèkoło, el nord faxea parte del regno de Aksumancuo Etiopia.
Tribù arabe xe rivà su la kosta dopo el X sekolo. L’islam xe rivà koi komercianti persiani. Grupi gala xe entrà on poko a la volta in tel teritorio, komprendente anka la rejon etiopika de l’Ogaden.
Modernità El teritorio de la Somałia xe stà diviso tra Italia, Regno Unìo e Fransa ko la Konferenza de Berlino. El nord xe andà a l’Ingiltera, el sud a l’Italia e l’estremo nord ovest a la Francia.
Indipendensa Inte el 1960, łe Somałie italiane e inglexeLa Somałia francexe xe diventà Jibuti inte el 1977. ga vù l’indipendenza e le sa uniò inte la Somałia de ankò.
Dal 1964 al 1967, la Somałia ga fato do guere ko l’Etiopia par la rejon de l’Ogaden. La zente de l’Ogaden l’è de etnia etiopika. Inte el 1967 l’Etiopia ga rinuncià a le so rivendikasioni teritoriali.
Inte el 1969, el jeneral Siad Barre ga fato on kolpo de Stato e sa proklamà presidente de la Somalia. Subito dopo, grupi de l’oposision ga takà la lota armata kontro de lu. El ditator Barre l’à kontinuà a mantegnar on livel mìnimo de guerija, ke no la pi smeso fin ankò.
Inte el 1991, Barre ga dovù skapar via, e da alora, la Somałia la vive na guera civil ke no sembra verge solusion. Dopo l’intervento de l’ONU Operation Restore Hope, falia dopo la guerija ko i siori de la guera, la komunità internasionale ga provà a jutar la Somałia a vegnar fora dal kaos: le Konferenze de Jibuti (2000) e de Mbagathi (Kenia, 2002) ia portà a la formasion de on governo provisorio presidente Abdullah Yusuf, Primo Ministro Mohamed Geddi, ke parò no kontroła tuto el teritorio del Stato. Inte el febraro 2006, i siori de la guera kai klan ko milisie privade ga takà la guera ko i grupi ligà a la rete terorìstega de Al Qaeda. Mogadisio l’è diventà on kampo de bataja. A l'inisio del 2007, le milisie ligà a le korti islamike xe reuside a kontrołar ła kavedal e altre cità del sud. Dopo poki mexi, el governo provixorio sostegnù da soldai etiopici el xe riusì a rikonkistare Mogadisio. Soldai ugandesi, nizeriani e ganeani i xe stà mandà ne la kavedal par jutar e mantegnar ła paxe, ko poki risultati poxitivi.
Zeografia politega La kavedal xe Mogadisio.
Popolasion Etnie El 95% de la popolasion xe de etnia somala, divisi in kan. Ge picoli grupi de bantu.
Relijon El 99% dei somali xe musulmani. La komunità kristiana la konta poke centinara de persone.
Léngue La zente parla somalo, l’italian xe onkora kapio da i pi veci.
Ekonomia La Somałia xe konsiderà ona de le cinkue manko svilipà nasioni del mondoPrima de la guera, la Somałia produsea banane da esportasion, pescadori de altri paexi pagava i diriti de pesca ne le acue somale, e ghera na bona produsion mineraria.
Al sud la tera xe fertile e, par la presensa de akua, l’agrikoltura podaria dar boni risultati.
Ko la guera, le atività komerciali legali xe kalae, ma xe kresù el markà ilegale de armi, prodoti eletronici e riciklo de danaro.
Kultura Persone inportanti Persone inportanti ke xe nate in Somałia: Ayaan Hirsi Ali, pułìtega e scritrice
Gałeria de someje
Notasion
Altri projeti
Linganbi foresti