Asociasion fonètega internasionałe o AFI, in inglexe International Phonetic Association o IPA, in fransexe Association phonétique internationale o API, ła xe na asociasion de fonètega, nasesta a Parixe inte el 1886.
La nàsita Ła asociasion ła nase da ła inisiativa de on grupo de profesori de lenguìstega, che łe se reunise par ła prima volta a Parixe inte el 1886 par promóvar ła doparasion de ła scritura fonètega inte łe scołe, co el fin de jutar i putełi inparar pì fasilmente ła pronùnsa de łe léngue foreste e pì in xenerałe par sostegner el insegnamento e l'alfabetixasion dei pì cei. El grupo, dirixesto da Paul Passy, el se ciamava inte el inìsio Dhi Fonètik Tîtcerz Asóciécon (sigla FTA), par dopo torse el nome de Association phonétique des professeurs de langues vivantes ("Asociasion fonètega dei profesori de łéngue vive", sigla AP) inte el xenaro del 1889, e inte ła fin Association phonétique internationale inte el 1897.
El ponto pì alto de ła partesipasion de l'asociasion inte l'insegnamento ła se ga vesto inte el 1914, co ła contava 1750 menbri in cuaranta stati difarenti. La Prima guera mondiałe e łe so consevense łe ga interonpesto łe atività de l'API, che ła ga riciapà ła so publegasion del soo Journal soło inte el 1922.
I exami Dal 1908, in pì, l'AFI el destribuise dei Sertifegai de Conpetensa che i revarda ła fonètega de l'inglexe, del fransexe e del todesco ai sołari che i gavese sostegnesto sto exame.
Notasion
Altri projeti
Linganbi foresti
Categoria:Fonètega