Penny Dreadful ła ze na serie tełeviziva meregana e bretànega de zènare horror fantasy creada e scrivesta par intiero da John Logan, pasada in tełevizion da’l 11 majo 2014 a’l 19 zunjo 2016 so’l canałe via cavo Showtime.
Ła serie ła ciapa el nome da łe publegasion de’l XIX sècoło , i penny dreadful par apunto, e sponto da La Lega degli Straordinari Gentlemen de Alan Moore. Rento ła serie A se intòrcoła łe orìjini de i parsonaji de ła łetaradura horror cofà Victor Frankenstein, Dorian Gray, Dr. Jekyll, el conte Dracula, łovi manari, strighe e vanpiri, so’l sfondo de na Łondra Vitoriana.
Stajon Ła prima stajon de ła serie ła ze pasà in prima vizion so’l canałe Showtime da‘l 11 de majo a’l 29 de zunjo 2014, ła seconda da’l 3 de majo a’l 5 de łujo 2015, ła tersa da’l 1 de majo a’l 19 zunjo 2016.
In Itałia ła prima stajon ła ze pasà in prima vizion so Rai 4 da’l 7 a’l 28 de setenbre 2015 in varsion censurada, invese da’l 11 de setenbre a’l 3 de otobre 2015 in varsion mìa censurada. Ła seconda stajon ła ze disponìbiłe par intiero so Netflix da’l 22 de otobre 2015, e ła tersa e ùltema senpre so Netflix da’l 2 de majo a’l 21 de zunjo 2016. StajonEpizodiPrima TV USAPrima TV ItałiaPrima stajon820142015Seconda stajon1020152015Tersa stajon920162016
Parsonaji Dorian Gray (stajon 1-3), intarpretà da Reeve Carney. Sir Malcolm Murray (stajon 1-3), intarpretà da Timothy Dalton. Vanessa Ives (stajon 1-3), interpretada da Eva Green. Ła Creadura/Calibano/John Clare (stajon 1-3), intarpretà da Rory Kinnear. Brona Croft/Lily Frankenstein (stajon 1-3), intarpretà da Billie Piper . Sembene (stajon 1-2), intarpretà da Danny Sapani. Victor Frankenstein (stajon 1-3), intarpretà da Harry Treadaway. Ethan Chandler, nasùo Ethan Lawrence Talbot (stajon 1-3), intarpretà da Josh Hartnett. Evelyn Poole/Madame Kali (stajon 1-2), intarpretada da Helen McCrory. Ferdinand Lyle (stajon 1-2-3), intarpretà da Simon Russell Beale. Florence Seward (stajon 3), intarpretada da Patti LuPone. Kaetenay (stajon 3), intarpretà da Wes Studi. Collegamenti esterni
Categoria:Sèrie televixive