Theodoros Katsanevas (in grègo: ; Atene 13 de marso 1947) el xe un pułitego grègo.
El xe sta presidente de l'Organixasion grèga par el inpiego de manodopara (, OAED) dal 1981 al 1985 e del Istituto de Sicuresa Sociałe (, IKA) dal 1985 al 1989. El xe sta anca deputà par el PASOK (Movimento Sociałista Panelenego) dal 1989 al 2004.
Biografia Dopo esarse laureà in economia a l'Universidà del Pireo, Katsanevas el ga fato un master in Rełasion industriałi a l'Universidà de Warwick e un Ph.D. in economia del laoro a ła London School of Economics and Political Science. El ga partesipà a ła rexistensa contro el rexime dei cołonełi e el xe sta infrà i fondatori del PASOK.
Inte el 1981 el xe sta infrà i estensori del programa del Goerno Papandreou I e el ga otegnùo ła nomina a l'ente statal par el inpiego, l'Organixasion grèga par el inpiego de manodopara, par pasar po al Istituto de Sicuresa Sociałe inte el 1985. Inte el 1989 el xe sta eleto deputà inte ła seconda circoscrision de Atene par el PASOK, che el ga raprexentà fin al 2004. In chel ano, łu e altri oto parlamentari i xe stai escluxi da łe candidaure dal partio steso .
Fin al divorsio, avegnùo inte el 2000, Katsanevas el xe sta spoxà co Sofia Papandreou, fioła del fondator del PASOK Andreas Papandreou. Co na postila al so testamènto, vèrto inte el setenbre 1996, Papandreou el ga definìo el xenero «ła vergògna de famèja» .
Inte el 1998 el editor Spyros Karatzaferis el ga publicà, so ła prima pàgina del xornal Athinaiki (), na somèja de Katsanevas pròpio co ła didascałia «Vergògna» (, òneidos); par sto motivo, inte el 2003, Karatzaferis el xe sta condanà par difamasion da un tribunal ateniexe a un rixarsimento de 10 milioni de dracme (sirca 30 miła euro) .
El 1º de majo 2013 el ga fondà un novo movimento, Dracma - Movimento Democratego Grègo Sincue Stełe (), che se ispira al italian Movimento 5 Stełe.
El 26 de genaro 2014, Katsanevas ghe ga fato cauxa a un aministrador de ła Wikipedia in lengua grèga, dimandando ła condana a un rixarsimento de 200.000 euro e a un ano de recluxion, par no 'ver cavà da ła voxe a łu dedicà ła parte rivardante el testamènto de Andreas Papandreou, da Katsanevas ritegnùa difamatoria.
Note
Ligamenti foresti
Categoria:Nasesti inte el 1947 Categoria:Pułiteghi grèsi