Autor di oltra novanta comedie, in parte in diałeto veneto, menàe a teatro da nùmaroxe conpagnie e raprexentàe fìn ai dì nostri. Infra i ultimi ałestimenti, queło del 1983 co Tonino Micheluzzi e Mario Valdemarin che gà portà in sena i tre ati ugnòłi L'imbriago de sesto, La scorzeta de limon, L'amigo american co ła regia de Toni AndreettaGian Antonio Cibotto In punta di penna Gazzettino 5 dicembre 1983, pag naz. spettacoli.

Ła vita Nassùo a Mantova da pare torinexe e mare feltrina, gà passà i primi ani de ła so zoventù infra il Piemonte e el Veneto e gà frequentà par qualche ano ła facoltà de giurisprudenza al'Università de Padova e de Torin.

Inte el 1913, sbandonà i studi, el se ga trasferìo a Miłan dove, conossùo Benito Mussolini, xe deventà e restà par più de vint'anni critico teatrałe so ła rivista Il popolo d'Italia.

L'avènto de ła prima guera mondiłae gà avùo notevołe influensa sol zovene scritor come ch'à mostrà inte el romanxo Uragano del 1919, inte el dramma del 1920 in tre ati Le Liane e La farsa dei nevrastenici.

Inte el 1931 el gà riçevùo el Premio Bagutta pa'l romanxo Gli ultimi furono i primi.

Inte el 1934 el xe stà nominà diretor del primo Festival Teatrałe de ła Bienałe de Venesia e par la prima ed ugnoła volta el gà parecià na regia teatrałe pa'ła comedia de Goldoni La Bottega del caffè.

El se gà trasferìo a Venesia indove infra el 1937 e'l 1938 gà direto Il Gazzettino.

Po' el xe tornà a Miłan, dove sol setimanałe Il Milione gà publicà quatordexe ati ugnołi ispirà a fati de cronica.

El gà continuà a cołaboràr co diverse riviste łeterarie e teatrałi fin quando łe so condision fixiche no se gà grevà drìo aver subìo na ferìa de guera che ghe gà simentà ła smossàda de ła gamba.

El xe morto a Miłan inte el 1941, ma xe stà sepełìo a Fonzaso (Feltre, Bełun).

So fio Guido, drìo na łonga atività cofà zornałista, gà seguìo łe so ùrme in teatro, ma xe morto inte el 1961 par na małatìa grève.

Łe òpare Tra i novanta titoli: L'altro amore, 1910 Trame, 1919 Gigomard Tramonto romantico Vecchie storie Il martirio di San Gregorio Il primo amore, 1920 Tragedia senza l'eroe, 1924 L'inganno Purificazione L'ora onesta Dopo di noi L'amante di suo marito La calzetta rotta La pelle L'intesa La gelosia Cessate il foc! Le lettere dell'altro Le liane, 1920 Le corna del dilemma Noi, 1921 La farsa dei nevrastenici Il vincolo del dolore Colpi di spillo L'uccision di un generale in Cina, 1923 Gli amanti impossibili, 1925 Nido rifatto, 1927 Il gladiatore morente, 1928 Il terzo amante, 1929 Volo a vela, 1939 Le carte son sincere Il re povero, 1939

Infra łe comedie diałetałi: Se no i xe mati, no li volemo, 1926 Sior Tita paron, 1928 Su de noi, 1926 La vecia insempiada L'imbriago de sesto Checo Mustaci de fero, 1932 Gli ultimi del Krak El sol sui veri, 1911

Note

Categoria:Scritori itałiani Categoria:Leteratura veneta