L'Avento (dal lat. Adventus = "arivo"cfr. Bowler, Gerry, Dizionario universale del Natale [The World Encyclopedia of Christmas], ed. it. a cura de C. Corvino & E. Petoia, Newton Compton, Roma, 2003, p. 61) xe - inte ła Ceza cristiana - el periodo de preparasion al Nadałe: inte ła Ceza oçidentałe el segna l'inisio de l'ano eclexiastico el dura da ła prima doménega pì viçina al 30 de novenbre (dì de Sant'Andrea) fin a ła Vigilia de Nadałe esluxa, mentre inte ła Ceza orientałe el scumisia el 15 de novenbre.
Łe cuatro setimane de durada de l'Avento łe sinbołeja forse łe cuatro volte inte łe cuałe se manifesta Gexù Cristo: ła prima volta come omo in carne e osa, ła seconda inte i cori dei fedełi, ła tersa dopo ła morte e ła cuarta inte el dì del Giudisio.cfr. Miles, Clement A., Storia del Natale [Christmas in Ritual and Traditions Christian and Pagan], ed. it. a cura de L. Mazzolini, Odoya, 2010, p. 32
Storia El periodo de Avento el xe stà introdoto inte el IV secoło.
In Gallia, inte el V secoło, el gera un periodo de penitensa, che consisteva in tre dì de digiuno a setimana.
Inte el XIII secoło, l'Avento richiedeva invese un periodo de digiuno e de astinensa de cuatro setimane.
Tradision popołari
Całendario de l'Avento Tra łe tradision popołari de l'Avento, ghe xe el całendario de l'Avento, na tradision che ga 'vudo orixene in Germania inte el 1903 e che consiste in un całendario del mexe de diçenbre co de łe finestrełe da verxere ogni dì.
Ghirlanda de l'Avento Senpre da ła Germania vien ła tradision de ła ghirlanda de l'Avento, na ghirlanda co rami de senpreverdi e co de łe luci. La so invension se deve a Johann Heinrich Wichern e ła risałe al 1833.cfr. Bowler, Gerry, op. cit., p. 62
Canti El periodo de l'Avento ga ispirà i seguenti canti natałisi:
Advent, Advent, ein Lichtlein brenntcfr. http://www.volksliederarchiv.de/kinderreime-538.html Veni, Veni, Emmanuelcfr. Bowler, Gerry, op. cit., p. 249
Note
Altri projeti
Categoria:Nadal