Biografia
thumb|left|150px|Raquel del Rosario in conpagnìa de Fernando Alonso al Gran Premio de Spagna 2009
Nata a Teror, ne ła Gran Canaria, Raquel xe ła segonda de sìe fiòi. Coła gà avùo 14 ani gà tacà a scrivare canson. Tre ani drìo pì tardi ła gà conosùo l'artista asturiano David Feito, che gera conponente de un grupo de muxica celtica.
Inte el 2000 ła gà łasà ła so tèra de orìxene par trasferìrse definitivamente ne łe Asturie; qui, co Feito, e gà formà el grupo dei Xemà, che gavarìa po' publicà un albun inte el 2002. Poco dopo i do gà incontrà el muxicista Juan Luis Suàrez, col qual xe nato el trio El Sueño de Morfeo. Inte el grupo Raquel gera el cantante, e compone la maxor parte dei brani co consegi de Juan e David.
Inte el 2007 el grupo cołabora co Nek inte el brano Para ti seria (version in lengua spagnoła de Lascia che io sia), contegnùa ne l'edisione speciałe de l'albun En el cuarto 26 de l'artista itałian, e inte el brano Chocar, che se cata ne ła redision de l'albun Nos vemos en el camino de El Sueño de Morfeo.
Inte el 2011 ła parteçipa al Festival de Sanremo 2011, in cùbia co Luca Barbarossa, co ła cansón Fino in fondo.
Inte el 2013, co El Sueño de Morfeo, ła partesipa a l'Eurovision Song Contest de Malmö co el tòco Contigo hasta el final.
Vita privà Raquel gà conosùo el piłota de Formuła 1 Fernando Alonso durante uno show radiofonico spagnoło par la stasión Cadena 100. Sìben da tenpo sircołase voxe so un prexunto matrimonio tra i do, capità se prexume el 17 novenbre 2006, sol scominsio tuti do gaveva negà ła roba, parò ła notizia xe stà confermà pì volte dal steso Alonso tra el febraro e l'agosto 2008. El 20 disenbre 2011 la cùbia anuncia de comùn acordo ła so separasión.
Note
Voxe łigàe El Sueño de Morfeo
Altri progeti
Linganbi foresti
Sito ufficiale
Categoria:Cantanti spagnòli