Catanganoto in pasà anca cofà Shaba, che in łéngua łocal el vol dir rame ła jera na rejon de el Congo sudoriental. Ła xe conpresa intra ła Tansania a est oltre el łago Tanganica, el Sanbia a sudest, e ła Angoła a ovest.
Sevente ła nova costitusion, in vigor da el 2006, ła ze stada devidesta in cuatro nove provinsie: Tanganyika, Alto Lomami, Lualaba, Alto Katanga.
El teritorio el va da 600 a 2500 m.. El xe ocupà da un altipian inciso da łe vałi de el alto Congo e de altri sui afluenti, łimità a est da el riłievo dei monti Mitunba (monti Mugila e monti Marungu a nord, monti Mulumbe e monti Kundelungu a sud). Łi fiumi pì inportanti łi xe el Lualabael pì grando ramo sorgentifero de el fiume Congo, ma no el pì łongo, sendo chesto el Lualaba-Luvua-Luapula-Chambesi., co łi so afluenti de drita Lukugaemisario del łago Tanganica, Luvuaparte del ramo sorgentifero pì łongo del fiume Congo e Lufira; łi afluenti de sanca del fiume Congo: Lomami, e Casai (co łi so afluenti de drita Lulua e Sankuru-Lubilash). Łi pì grandi łaghi naturałi łi xe el łago Tanganica, el łago Mweru, el łago Upemba e el łago Kisale; el łago Tshangalele e el łago Nzilo łi xe artifisiałi. El clima el pasa da tropegal de ła savana a subtropegal umido indando da nordovest verso sudest. El teritorio el xe coverto da savana boscata e savana erbosa. Al sentro de ła provinsia łongo el corso del Lualaba ghe xe na estexa area de pałù.
Łe sità pì inportanti łe xe el cavołogo Lubumbashinoto in pasà cofà Elisabethville o Elisabethstad, Kolwezinoto in pasà cofà Mariaville, Likasinoto in pasà cofà Jadotville e łe sità industriałi de Kalemie e Kambove. Oltre a el fransexe, xe difondesto el swahili.
Ła prinsipal risorsa economega ła xe el desfrutamento del sotosioło (rame, arxento, uranio, manganexe,cadmio, xinco, stagno, carbon, wolframio, radio); manco inportanti łi xe agricoltura, ałevamento e ła industria consentrada inte łe sità.
Note
Categoria:Republica Democràtega del Congo