El Tibet (tibetan བོད་རང་སྐྱོང་ལྗོངས་, Bod-rang-skyong-ljongs; cinexe tradisional 西藏自治区, pinyin Xīzàng Zìzhìqū) el ze una provinsia de ła Cina sudosidental.
Zeografia fizega El ze un vasto altopian intra łi 4000 m. e łi 6000 m. El nord el xe karaterizà da vałi anpie e karateristege endoreege o areege, el sud invese da vałi strete e fonde, ke łe kostituise łi basini alti dei grandi fiumi de l'Azia meridional e oriental: Indo, Bràmaputra, Saluen, Mekoṅ, Fiume Azuro, Fiume Zało. A nord łi ze numerozi i łagi, tanti de łori łi ze sałai. Se ricorda el łago Nam e el łago Siliṅ.
El ga klima kontinental, ko forte eskursion termege e presipitasion skarse, fortemente influenxà da ła altesa. Soło ke inte łe parti meridionałi, ke risente de l'efeto del monson estivo, el klima el se fa pì kaldo e umido.
Zeografia umana Ła popołaxion ła se konsentra inte ła parte sudoriental de ła rejon. Ła ze konposta prinsipalmente da zente de etnia mongoła, ke pratega ła rełigion budista e parla łengue de ła fameja sino-tibetana. Serti łi ze onkora seminomadi.
Ge ze un ekonomia de susistensa, bazada so ła agrikoltura e l'ałevamento.
Gałeria de someje
Notasion
Altri projeti
Łinganbi foresti
Categoria:Divisioni Ministrative de la Cina