Ła bragagna ła ze na inbarcasion tìpega de ła łaguna de Venesia.
El tèrmene bragagna el indega anca un tipo partegołar de rede da pesca e infati 'sto tipo de inbarcasion el gera destinà propio par 'sto fin. Se trata de un natante de grose dimension, łongo sirca trèdeze metri e łargo scuazi do, a propulsion mista, a remi par el movimento a veła par ła faze de pesca, caraterizà da ła prezensa de ben tre àlbori co tre anpie vełe retangołari, cazo ùnego par cuanto revarda łe inbarcasion łagunari.
Ła tecnica de pesca ła gera de'l tipo a scarroccio (stràsino łateran): spenta da'l vento, ła bragagna ła strapega ł'omònema rede, fisada a'l scafo a prova e pope tramide do pèrteghe e co'l łado verto revolto verso łe mure. Łe vełe łe gera orientàe perpendicołarmente a'l vento par otenjir ła mùansa łaterana nesesaria parché i pesi i venjise ciapài.
A ze da'l 1800 che 'sto tipo de inbarcasion no ła se uza più.
Note Descrisión de ła bragagna da veniceboats.com
Categoria:Inbarcasion venesiane