El Cołorado dal 1 de agosto 1876 el costituise el 38° Stato dei Stati Unii de ła Mèrica; el xe el 22° in ordene de popołaxion el 8° in ordene de superfisie.
El se cata al sentro-ovest del paexe, intra łe Montagne Rocioxe e łe Pianure Grande. El confina co Wyoming a nord, Nebrasca a nordest, Kansas a est, Novo Mèsego e Oklahoma a sud, Arizona col so canton sud-oriental, e col Utah a ovest. El xe uno dei ugnoi do Stai dei USA a formar un retangolo parfeto.sendo chel'altro el Wyoming.
El nome del Stato el riva dal spagnolo Colorado, che vol dir, apunto "Cołorà". Questo el jera l'apelativo scumicialmente dà al fiume, che el ga łe aque cołorae de roso par via de łe so grave de piera rosa.
Zeografia El xe un teriorio montagnozo, che el va da 1011 m. a 4401 m, co na altesa mexana de 2070 m.. El xe traversà da nord a sud da ła cadena de łe Montagne Rocioxe che separa el Altopian del Cołorado a ovest, dal Altopian del Missouri a est. Ła cadena prinsipal ła se articoła in bande parałełe, da est Cadena Front, Monti Medicine Bow, e Monti Sangre de Cristo; Cadena Park e Monti Wasatch; Monti Elk e Monti San Juan.
El clima el pasa da stepego (semi-arido fredo) a continental, man man pì fredo co ła altesa.
Istoria El teritorio el se ga desviłupà in maniera rapida da metà del XIX secoło, grasie a ła descoverta de łe miniere de oro.
Demografia La cavedal la xe Denver, altre cità importante le xe Colorado Springs, Aurora, Fort Collins, Pueblo.
Economia Graxie a de łe gran opere de irigaxion se pol coltivar forajo, biete da sucaro e fruti. El ałevamento el xe difuxo. Se estrae uranio, vanadio, mołibden, petrołio, gas natural, oro, arxento, ramo, pionbo e xinco.
Ghe xe industrie ałimentari e metalmecaneghe inte łi sentri pì inportanti.
Połitega El Stato el xe rapresentà a ła Camera dei Rapresentanti da 7 deputai.
Ła pena de morte ła vien exeguia par iniesion łetałe.
Gałeria de someje
Note
Categoria:Stati dei Stati Unii de l'Amèrica