La baselega de Santa Croce, inte la omonima piazza a Firenze, la xe una de le pì grande chiese uficiae dai francescani e una de le massime realisazion del gotico in Italia. La xe nota cofà Tempio de le Itale glorie par le numarose sepolture de somi artisti, leterai e sienziai che la contien. La definizion la risal al poema Dei Sepolcri de Ugo Foscolo inte un passo inte el qual l'autor el definisse Firenze:
Santa Crose la xe un simbolo prestisoso de Firenze, el logo de incontro dei pì grandi artisti, teologhi, religiosi, leterai, umanisti e politeghi, che i ga determinà, inte la bona e cativa sorte, la identità de la cità tarda-medieval e rinassimental. Al so interno ga catà ospitalità celebri personasi de la storia de la Chiesa cofà san Bonaventura, Piero de Zoani Olivi, san Toni da Padova, san Bernardin da Siena, san Lodovigo de Anzò. La xe stà anca logo de acogenza par pontefesi cofà Sisto IV, Eugenio IV, Lion X, Clemente XIV.
Inte i so archîvi xe custodie testimognanze che i ne tramanda la costruzion quotidiana, inte el corso dei secoi, de un gran proseto archîtetonego, artistego e de fede.
Categoria:Bazèłega (titoło)