thumb|right|250px|El Monte Kilimajaro thumb|200px|left|Mapa topografica de la Tanzania

La ziografia de la Tanzania la presenta vari aspeti interesanti. En te la Tanzania se cata quasi tuti i ecosistemi africani. El Monte Kilimanjaro la xe la montagna pi alta del continente. Rente del Kilimanjaro se cata el monte Meru e pi a ovest el Oldoinyo le Nkai, che i xe volcani ativi. Senpre a ovest del Kilimanjaro se cata i pianori del Serengeti, che ancó i forma on parco naxional famoxo par le bestie selvadeghe e par i panorami. Rente del Serengeti se cata l’Olduvai Gorge. On vajo do i studioxi i ga fato de i ricatamenti fosili de i primi ominidi. A nord del Serengeti ghe xe vari laghi salai, el pi grando el xe el Lago Natron. Piasé a ovest, al confin co el Kenya e l’Uganda, se cata el Lago Vitoria, el pi grande lago africano. A sud del Vitoria, se cata el Lago Tanganica. El sentro del paexe el xe on pianoro de savane e bascalie.

La costa oceanica la xe calda e umida. So la costa se cata la sità pi grande de la Tanzania, Dar es Salaam. Le ìzołe de Zanzibar, Penba, e de Mafia, co altre minori, le se cata pena fora da la costa a nord del paexe. El paexe el xe divixo in 25 rejoni: 20 in tel continente, 2 so Zanzibar e 2 so Pemba.

Clima El clima el xe caldo tropicale so la costa, pi fresco a l’interno. L’estate la xe quela australe (da novenbre a fevraro). La piova la vien inte la stagion dopo la luna de primavera (marso – magio) e a l’inisio de l’està in tel nord del paexe. A sud, la piova la vien da dicenbre a avril.

Dati

thumb|left|250px Area: totale: 945 087 km² tera: 886 037 km² aque: 59 050 km²

Confini: totale: 3 402 km co Burundi 451 km, Kenya 769 km, Malawi 475 km, Mozanbico 756 km, Rwanda 217 km, Uganda 396 km, Zanbia 338 km, Republica Democràtega del Congo 473 km.

Costa: 1 424 km

Elevaxion: ponto pi alto: Monte Kilimanjaro 5 892 m

Risorse naturali: energia idroeletrica, stagno, fosfati, fero, carbon, diamanti, tanzanite, oro, gas naturale, nickel

Tera: arabile: 3% utilixà: 1% pascoli: 40% foreste e boschi: 38% altro: 18%

Tera irigà 1 550 km²

Tanzania Categoria:Tanzania