thumb|250px|Al quert fat a cavai ravesinadi 'te la Basilica de Santa Croce a Firense thumb|250px|An caval francese. Ten quel 'italiana al omenet e la cadena no i se toca. Te le costrusion venete, specialmente se la dimension de la costrusion la ze pisola, manca i elementi djagonai. thumb|An caval de metal te un edificio industrial.
An caval al ze an elemento architetonico che al materjaliza al principio costrutiu del triangol, o sia la pì senplice strutura reticolar isostàtega che se pode far.
Uso
Al caval al gnen doperà par cener sù an quert a do falde aonde che no ghe n'è an mur portante.
Costrusion
Al caval al gnen fat co trau de legn sagomadi prim de gner metesti 'te el so posto. Prim se sagomea al gross, podopo gnen metest insjeme i toco a piè d'opera e co el segon se ripassa tuti i punti de contato, in modo che i conbacie polito. Na olta fata sta operasion se smonta i cavai e se torna a meterli insieme te el posto aonde che i ga da star. I diversi toco de legn podaree star fermi solche par isostaticità (te el pjan) e par atriti e simetria de sfors (te el spasio), ma comunque par sicuresa se i fissa co ciodi o, secont le nove norme, co stafe inbolonade. I trau che se dopera a far al caval de solito i ze de roro, laress o Pes.
Nomencladura
Al toco orizontal, che al ze sojeto a un sfors de trasion, al gnen ciamà cadena, quei de stravers, sojeti a conpresion no uniforme, a taj e a flesion par via del cargo distribuì diagonal che la ghe manda la falda, i se ciama ganbe da caval. Al toco sù in sima, sojeto a conpression, al se ciama omenet.
Voci colegade Cadena (architetura) Cuba Quert Tirante Trau reticolar
Categoria:Elementi architetoneghi