Al Parco nasional de le Dolomiti Belunesi (in italian: Parco Nazionale Dolomiti Bellunesi) al ze an area natural proteta del Veneto, istituida del 1990. Al nome al pol gner scurtà anca co el acronimo PNDB.
Teritorio Al parco al ga na superficie de 31.512 etari (371.604 ster), tuta inte la provincia de Belun, tra al Cismon a ovest e el Piave a est, esteso a nord verso al bacino del Maè e a sud te el bass Agordin.
Grupi de montagne Al Parco al cien entro i grupi montagnozi de le Alpi Feltrine (Le Vete, Simonega, Pisoch, Brendol, Gnelese), Monti del Sol, Stciara, Talvéna, Pranpèr e Pis de Meodì. Ghe n'è aree co fogole a alte quote, crode e jaroi, ambiente ideal par tante specie de alta montagna.
Fiumi e ricat Al teritorio del Parco, fata ecesion che par qualche area carsica de alta quota, al ze sior de aqua: sorgenti, paluch e roje come: Cordeol, Mis, Caoran, Stién, Falcìna, Ardo, Vescovà, Pranpèra che i contribuiss a la ricchesa biologica del Parco. Serti de sti ricat i cor inte vai strete , e i ze tuti sogeti a grosse variasion stagionai de portata.
Comuni Belun, Sess, Feltre, Val de Zolt, Gosalt, La Val Agordina, Longaron, Pedavena, Ponte, Rivamonte Agordin, San Gregorio, Santa Jostina, Sedego, Sospiroi, Sovramonte.
Flora Campanula morettiana, Stela alpina, Gensiana, Rododendro, Fresa, Rusta, Pin, Muga, Firm, Avedin, Pes, Laress, Pola de nass, Fagher, Carpen Negro, Carpen Bianch, Viegol, Sales, Parsersena, Simogna, Cornoler, Sangol, Sanbugher, Bodola, Talpon, Talpon sipressin, Oner, Agre, Tea, Roro feràt, Roro, Castegner, Castegner turco, Molersen, Arsepol, Frassen, Opio, Oner, Spuser, Cane da Cargane, Paluch, Pomer, Perer, Fariesera, Susiner, Morer bianch, morer negro...
Fauna La varietà teritorial del Parco, che la conprende aree de alta montagna arent a pascoi, teren coltivadi e bosch, la ghe fa catar al anbiente jist inte te el area a tante specie de animai.Tra le pi inportanti e rapresentade: Mamiferi Marmota, Ermelin, Capriol, Camors, Cervo, Muflon. Osei Becalegn negro, Becalegnus, Astore, Oselas, Aquila real, Sevita, Aloch, Gufo, Gal sedron, Fagiano, Pernice, Upupa, Cornasa, Cors, Surla, Perusola, Quaja, Codaross,... Retili e Anfibi Diverse specie de Martincos, Bissa de la pioa, Rosp, Rane
Curiosità Al logo del Parco al ze la campanula di Moretti, specie endemica de le Dolomiti e presente inte el teritorio del Parco, di fioridura de color violet, che la cress te i crot umidi a na altesa de de pi de 1000–1200 m.
Contati Piasal Zancanaro, 1 32032 Feltre (BL) Tel. 0439 3328 Fax. 0439 332999 E-Mail: [email protected]
Varda anca Aree naturai protete Elenco dei parchi nasionali taliani Elenco dei parchi regionali taliani
Categoria:Aree naturałi protete