Paraguay, ufisalmente Repùblega del Paraguay e Tetã Paraguái in guaraní, el ze un paeze sensa litorałe situà inte ła zona sentrałe de l'Amèrica del Sud. El ze organizà cofà un Stato unitàrio, el cuało teritòrio el ze formà da un distreto capitałe e 17 departementi. La sità de Asunción ła ze ła capitałe e ła sità pì popołada del paeze.
La so forma de goerno ła ze ła repùblega fondada sul sistema presidensałe e par de pì ła se organiza cofà un Stato de derito, democràtego e a-confesionałe. El ze menbro fondador del Mercosur insieme co Arzentina, Braziłe e Uruguay.
El consta de na superfise de e el ze el cuinto paeze pì picenin e l'otavo pì grando de l'Amèrica del Sud e el sesantèzemo pì grando de ła tera e el. El confina co l'Arzentina al sudest, sud, sudòvest e ovest; co Bołìvia al nord e nordòvest; e col Braziłe a l'est e nordest. El so teritòrio el ze caraterizà da do rejon difarenti separade dal fiume Paraguay, ła Paraneña paraguaya (Paraguay Orientałe), che ła ze ła pì popołada e ła ze formada dal 39% del teritòrio nasionałe, e ła Chaco paraguayo (cheło Osidentałe), che el forma parte del Chaco Boreałe. Si bè che el ze un stato sensa litorałe marìtimo, el ga de łe coste, spiaje e porti inte i fiumi Paraná e Paraguay, che i ghe da na desbocadura inte l'osèano Atlàntego traerso de ła Idrovia Paraná-Paraguay.
La Costitusion paraguaya el lo declara cofà un paeze pluriculturałe e biłéngue, stabiłéndose cofà łéngue ufisałi el spagnoło e guaraní. El Paraguay el ga un taso de alfabetismo de łe persone majori de 15 ani superior al 94 %, e na speransa de vita de 78,1 ani, drio cheło che dize ła CIA World Factbook. El se pozisiona inte el posto 103 a liveło globałe inte el ìndaze de desviłupo uman, co 0,728 punti inte el 2020, fazendo-sì che el so IDH el rezùltee alto. Inte el spesìfego, ła strutura de ła economia paraguaya ła ze formada da l'11,4 % inte el setor zoo-agrìcuło, 33,5 % inte el setor industriałe, 47,5 % inte el setore dei servisi, co un 7% de cresimento econòmego mèdio dal 1970, devegnendo uno dei paezi de pì cresimento inte el latinoamèrica.
La prezensa umana ła remonta verso el Neołìtego, inte na data de racuanti 3200 ani prima de Cristo. Durante del perìodo precołonbin el zera stà abità da pòpołi indìzeni dei grupi tupí-guaraní e mataco-guaicurú. La rivada dei spagnołi ła ghea marcà el scumìsio de l'domìnio ispànego de sto teritorio, finmente al siglo XIX, co che inte ła matinada del 14 e 15 de majo del 1811 el Paraguay el zera rivà a otegner ła so indipendensa. La stòria de ła neo-nasesta nasion ła zera stada marcada da na economia che ła zera cresesta inte el so prinsìpio, finmente l'avegnimento de łe do grandi guere mondiałi che łe ghea izołà el paeze. Le sucesive lote pułìteghe par el poder, insieme co do guere siviłi, łe ghea culmenà inte na fèrea ditadura rivada co un colpo de stato dal 1954 e che ła zera sta finalmente destituia inte el 3 de febraro del 1989 traverso de un novo colpo de stato che el zera sta bon de istituir un longo perìodo democràtego che el va vanti star in vigor finmente inte i dì de uncó.
Zeografia El ga na superfisie de 406 750 km².
Zeografia połitega El Paraguay el xe na republica presidenzial. L'atuale cao de Stato e de goerno el xe Horacio Cartes. La cavedal la xe Asunción.
Organizasion teritoriałe Paraguay el ze un Stato unitàrio che el propende a ła desentrałizasion, inte ła forma stabiłia da ła Costitusion e łe leji. Par i efeti de ła struturasion pułìtega e aministrativa del Stato, el teritorio nasionałe el se divide in departementi e distreti.
I 17 departementi del Paraguay i costituise ła prima divizion pułìtega-aministrativa del paeze. La Rejon Orientałe ła consentra 14 de sti departementi e ła Rejon Osidentałe ła ghene detien solché 3. A sti departementi cuà se ga da zontarghe ła capitałe Asunción che ła ze un distreto, ma che parò par el censimento ła ze considerada cofà un departemento. Par de pì, el paeze el conta 258 munisipi che i ecuivałe ai distreti, includendo ła capitałe Asunción. Sti cuà i forma ogniuna de łe sudivizion de un departemento -a parte che Asunción che ła ze indipendente da tuti i departementi - e che a so volta i ze dividesti in àree urbane e rurałi.
La Costitusion Nasionałe del 1992 ła reconose ai departementi e distreti ła autonomia pułìtega, aministrativa e normativa par ła zestion dei so interesi, e de autarchia inte ła renscosion e investimento de łe so resorse. + Organizasion teritoriałe del Paraguaycentro|300px#Departemento CapitałePopołasion (Stima 2020)Área (km²)Distreti * Distreto Capitałe Asunción 521 559 117 1 Alto Paraguay Fuerte Olimpo 18 231 82 349 4 Alto Paraná Ciudad del Este 830 943 14 895 22 Amambay Pedro Juan Caballero 172 169 12 933 6 Boquerón Filadelfia 66 836 91 669 3 Caaguazú Coronel Oviedo 563 803 11 474 22 Caazapá Caazapá 192 031 9496 11 Canindeyú Salto del Guairá 234 978 14 667 15 Central Areguá 2 201 109 2465 19 Concepción Concepción 254 976 18 051 12 Cordillera Caacupé 311 273 4948 20 Guairá Villarrica 227 747 3846 18 Itapúa Encarnación 616 565 16 525 30 Misiones San Juan Bautista 128 130 9556 10 Ñeembucú Pilar 90 287 12 147 16 Paraguarí Paraguarí 258 957 8705 18 Presidente Hayes Villa Hayes 127 951 72 907 9 San Pedro San Pedro de Ycuamandiyú 435 126 20 002 22 Paraguay Asunción 7 252 672 406 752 255
Demografia El ga 5 734 139 abitanti.
Le lengue ufisiali le xe el spagnolo e el guaraní, ma i parla anca altre lengue amerinde.
Curioxità El nome Paraguay el vol dir "aqua che va verso l'aqua", da le parole guaraní pará ("oceano"), gua ("a, verso/da") e y ("aqua"). In guaraní de frecuente l'espresion la fa riferimento a la sola Asunción, ma in spagnolo la fa riferimento al paese par intiero.
La bandiera del Paraguay la ga na particolarità unica al mondo. Defati le do face de la bandiera no le xe esatamente precise. Canbia el disegno sentral: logo e titolo del Paese da na parte, e disegno co un leon da che l'altra.
Gałeria de someje
Notasion
Altri projeti
Colegamenti par fora
Scheda de l'Iraq dal sito Viaggiare Sicuri - Sito curà dal Ministero dei Esteri e da l'ACI
Categoria:Pàjine co erori inte łe nòde