El rixoto coi figadini par 4 persone el vol:
320 g de rixo Vialone nano 8 figadini de połastro 1,5 l de brodo de carne 50 g de buro 1 sioła picoła 1 carota 1 ganba de sełeno 4 foje de salvia 4 cuciari de salsa de pomodoro 4 cuciari de formajo grana padano gratà 2 cuciari de ojo de oliva veneto sałe pévaro
Netar ben i figadini e tajarli a toketi, versarli in na farsora con metà del buro e łe foje de salvia. tegnere el fogo baso. Dopo 3 - 4 minuti xontare na s-cianta de sałe. Da na parte versare in na pignata el brodo de carne e ła salsa de pomodoro e scaldar tuto finke no'l boje. Intanto se trita fini fini ła sioła, el sełeno e ła carota e i se desfriza in na tecia col'ojo e na s-cianta de buro. Quando che i xe indorà, se versa drento el rixo e se mis-cia par 1 minuto par farlo tostare. Senpre mis-ciando, se ghe xonta raquanti minestri de brodo de bojo ogni volta che el rixo se suga. A metà cotura, se versa drento anca i figadini col so sugo. Quando che el rixo xe pronto, se regoła de sałe e pevare e se buta drento el buro restà e el formajo, mis-ciando forte. Keno che va ben insieme: Valpołiceła o Breganze Roso
Categoria:Cuxina veneta Categoria:Rizo