thumb|Na pianta de doraro|sinistra El doraro, lavranèr o vialoro el xe na pianta (nome sientifego Laurus nobilis) de ła fameja de łe Lauraceae. El so nome todesco xe Loorbeer, keło inglexe laurel, el sloveno lōvor, el italian alloro. El xe un senpreverde, alto fin a diexe meri. A scorsa ła xe verde-mora. thumb|left|Foje de doraro Łe foje, ovałi, łe xe verde scuro, coła parte de sora lucida e keła soto opaca. El doraro a xe na pianta dioica, che vol dir che ła ga fiori maskiłi e feminiłi su albari difarenti . Sti fiori, xałi, i vien fora in primavera. I fruti i xe mori e jusidi. thumb|Fiori de doraro|sinistra
Anbiente El doraro a xe na pianta spontanea in Spagna, Grecia e Centro-Sud Italia e su tute łe coste del Mediteraneo e de łe Ixołe Canarie. El se ga anbientà anca in Sud Irlanda, in Renania e inte l'ìzoła de Helgoland, sul Mar del Nord .
El doraro 'nteła mitołogia greco-romana El doraro el xera l'albaro sagro al dio Apòło e sinboło de sapiensa e gloria. Na corona de foje de doraro vegneva mesa suła testa dei atleti che vinseva łe olinpiadi e suła testa dei poeti pi bravi. Anca deso, ai tosi che finise l'universidà (laureà) se ghe mete al coło na corona de foje de doraro.
El doraro in cuxina Łe foje de doraro łe vien doparà par darghe aròma, par via dei oji esensiałi che el ga rento łe foje e i fruti, ai magnari, al pese e a ła carne in spece.
Oji esensiałi de doraro Drento łe foje, ma anca inte i fruti, ghe xe sti oji esensiałi (terpeni): terpineoło, eucaliptoło, pinene, cineoło, geranioło, eugenoło, fełandrene.
Categoria:Àlbare Categoria:Anzosperme