Ła Cołónbia (), ufisalmente Repùblega de Cołónbia, el ze un paeze sovran situà inte ła rejon nordosidentałe de l'Amèrica del Sud, che ła se reconose èsar un stato unitàrio, sociałe e democràtego de derito ła cuała forma de goerno ła ze presidensiałista. Ła ze na repùblega organizada pułitegamente in 32 departementi desentrałizai e el Distreto Capitałe de Bogotà, sede del Goerno Nasionałe.
Includendo ła ìzoła de Malpeło, el cayo Roncador e el banco Serana, el paeze el cuerze na superfise de , divegnendo èsar el vintisincuèzemo paeze pì grando inte el mondo e el sètemo pì grando del continente American. El reclama cofà mar teritoriałe l'àrea finmente łe 12 mìlie nàuteghe de distansa, mantegnendo na dèsputa sui confini col Venesueła e Nicaragua.
La confina verso oriente col Venesueła e Braziłe, verso sud col Perù e Ecuador e a l'osidente co Panama; par cheło che revarda invese i confini marìtimi, el sta arente co Panama, Costa Rica, Nicaragua, Honduras, Zamàega, Haiti, Repùblega Dominicana e Venesueła inte el mar dei Caràibi, e co Panamà, Costa Rica e Ecuador inte el osèano Pasìfego .
Ła ze ła ùgnoła nasion de Amèrica del Sud che ła ga łe coste inte el osèano Pasìfego e aceso direto a l'Osèano Atlàntego traerso del mar dei Caràibi, inte i cuałi el ga difarenti ìzołe cofà el arsipèłago de San Andrés, Providensa y Santa Catałina.
El ze el vintotèzemo paeze pì popolà del mondo, co na popołasion de 51 miłioni de abitanti, par de pì el ze ła seconda nasion co pì ispanòfoni, solché dedrio del Mèsego. El ga na popołasion multiculturałe, ła cuała ła reflete ła influensa de ła cołonizasion eoropea a granda scała, pòpułi nadivi e mandòpara africana, co ondae migratòrie provegnenti de Eoropa e Oriente Pròsimo durante del XX secoło* . El prodoto interno lordo de parità de poder acuizitivo de Cołónbia l'òcupa el cuarto posto inte l'Amèrica Latina e el posto 28 a liveło mondiałe. El PIL nomenałe cołonbian el ze el cuarto pì grando de Amèrica Latina e el òcupa el vintotèzemo posto a liveło mondiałe.
La prezensa umana in Cołonbia ła remonta a pì de ani fa. Dopo miłe ani de formasion culturałe, inte l'atuałe teritòrio cołonbian łe se zera zenerae difarenti culture precołonbine cofà i muiscas, taironas e quinbayas. Cołonizando ste culture, ła Spagna ła ghea creà el Vireinato de ła Nova Granada co capitałe in Santafè (uncò Bogotà). Inte l'ano 1810 ła ghea tacà ła Guera de indipendensa, dopo de ła cuała el se zera formà el paeze che atualmente se conose cofà Cołónbia. Durante i sècułi XIX e XX, el paeze el se ghea caraterizà par łs so instabiłità e un grando nùmaro de guere siviłi; l'ùltemo de sti confliti cuà, conosesto cofà conflito armà interno, el zera partio inte el 1960. Inte l'ano 2012, dopo pì de sincuanta ani de conflito, el goerno del presidente de cheła època Juan Manuel Santos el ghea tacà conversasion de paze co łe FARC-EP (Forse Armae Revołusionàrie de Cołónbia). Inte el 2016 se zera rivai a un acoerdo finałe che no-ostante no el fuse sta aprovà inte el plebiscito referendàrio del 2 de otobre de l'isteso ano, el zera sta inplementà co modificasion inte el 2017. Inte i dì de uncó, el Goerno de Cołónbia el ze drio portar vanti el procedimento de inplementasion dei acordi e el ze drio tacar nove conversasion co l'ELN, che el ga manifestà ła intension de contribuir a finałizar el conflito.
Ła Cołónbia ła ga na economia diversifegada e ła ga na inportante conponente de servisi. La produsion econòmega del paeze ła ze domenada da ła so dimanda interna e ła speza in consumo de łe fameje ła ze ła pì granda conponente del PIL nasionałe. El PIL inte el 2016 el zera sta de 720 151 miłioni de dòlari. El ìndaze de desviłupo uman cołonbian el ze de 0,747 e ła so speransa de vita mèdia ła ze de 75,1 ani.
Ła Cołónbia ła ze parte del grupo dei CIVETS, considerai cofà i sie prinsipałi marcai emerzenti. El ze menbro de ła OCDEhttps://www.eltiempo.com/economia/colombia-entro-de-forma-oficial-a-la-ocde-489696, ła ONU, ła OEA, ła Liansa del Pasìfego e de altre organizasion internasionałi; el ze anca l'ùgnoło paeze del Latinoamèrica che el ze sòcio globałe de ła NATO. El ze el secondo paeze co pì grando ìndaze de deziguajansa in Amèrica Latina, dopo del Braziłe, e conpagno a Panama, drio cheło che dize i dati de ła Banca Mondiałe.
Ła ze ła seconda nasion pì biodiversa del mondo, contando co 54871 spece rezistrae; no-ostante che un stùdio el pozisiónee el paeze intrà i oto paezi responsàbiłi de ła metà del desfamento de ła biodiversità inte el mondo. Da chel'altra parte, el ze el paeze del Amèrica Latina co pì confliti ecołòzeghi intrà ła popołasion locałe e inpreze multinasionałi in àree de speciałe protesion anbientałe. Par protèzar el so anbiente el paeze el dòpara instrumenti cofà ła Pułìtega Nasionałe de Cànbio Climàtego e l'inposta sul carbònio. La produsion de ełetrisità in Cołónbia ła provien prinsipalmente da fonti de enerzie renovàbiłi. El 69.97% el vien otegnesto da ła zenerasion idroełètrega.
Zeografia Ła ga na superfisie de 1 141 748 km².
Zeografia połitega Drio cheło che dize ła Costitusion del 1991, ła Cołónbia ła ze conponesta da 32 departementi e un Distreto capitałe. I goerni departementałi i ze dividesti in tre poderi: La rama ezecutiva, ezercitada dal goernador departementałe, ełezesto ogni cuatro ani. Ogni departemento ła ga ła so asanblea departementałe, ente pùblego a ełesion popołare rejonałe che gode de autonomia aministrativa e un so bałanso. Le asanblee departementałi łe ze conformae da no manco de 11 deputai e gnanca pì de 50, ełezesti popołarmente par un periodo de 4 ani. Le asanblee departementałi łe emete ordenanse de obligatòrio conpimento inte ła so zurisdision teritoriałe o departemento.
I departementi i ze conformai da ła asociasion intrà munisipi. Atualmente ghe ze 1120 munisipi intrà sti cuà ghe ze el Distreto capitałe, e i distreti speciałi. Ogni munisipio o distreto el ze presiedesto da un sìndaco, el cuałi łe ze ełezesto par un perìodo de cuatro ani, d'acordo co el całendàrio ełetorałe del Consejo Nasionałe Eletorałe. In reprezentasion de ła rama ezecutiva a liveło locałe, ogni munisipio el ełeze un Consejo formà da consejeri, ełezesti par perìodi de cuatro ani.
I teritori indìzani in Cołonbia i ze creai in comun acordo intrà el goerno e łe comunità indìzane. Inte i cazi inte i cuałi i teritori indìzeni i cuerza pì de un departemento o munisìpio, i goerni locałi i aministra de forma unitària co i conseji indìzeni, in sti teritorii e cofà che el ze stabiłio inte i artìcułi 329 e 330 de ła costitusion de Cołónbia. I teritori indìzeni i puede rivar gaver caràteri de entità teritoriałe co che i ga i recuizii de ła leje. I teritori indìzene i cuerze un àrea prosimadamente de 30845231ha, che i se cata in granda parte inte i departementi de Amazonas, Cauca, La Guajira, Guaviare e Vaupés, e altri. Departamenti de Cołónbiacentro|600px#CodezeDepartamentiCapitałeSuperfise (km²)PopołasionStima del 2010. Munisipi AMA Leticia 109 665 74 541 2 ANT Medellín 63 612 6 456 207 125 ARA Arauca 23 818 262 315 7 ATL Barranquilla 3 019 2 461 001 23 DC Bogotá 1 775 7 878 783 1 BOL Cartagena 25 978 2 097 086 45 BOY Tunja 23 012 1 276 367 123 CAL Manizales 7 888 988 003 27 CAQ Florencia 88 965 477 619 16 CAS Yopal 44 490 356 438 19 CAU Popayán 29 308 1 379 070 41 CES Valledupar 22 905 1 028 880 25 CHO Quibdó 46 530 500 076 31 COR Montería 25 020 1 709 603 30 CUN Bogotá 24 210 2 680 041 116 GUA Inírida 72 238 40 203 2 GUV San José del Guaviare 52 957 107 934 4 HUI Neiva 19 890 1 154 804 37 LAG Riohacha 20 848 957 814 15 MAG Santa Marta 23 188 1 259 667 30 MET Villavicencio 85 635 961 292 29 NAR Pasto 32 820 1 744 275 64 NSA Cúcuta 21 648 1 355 723 40 PUT Mocoa 24 885 345 204 13 QUI Armenia 1 845 565 266 12 RIS Pereira 4 140 951 945 14 SAP San Andrés 52 76 442 2 SAN Bucaramanga 30 537 2 061 095 87 SUC Sincelejo 10 670 851 526 26 TOL Ibagué 23 562 1 408 274 47 VAC Cali 22 195 4 613 377 42 VAU Mitú 54 135 42 817 3 VID Puerto Carreño 100 947 68 575 4 Bogotá 1 141 748 47 121 089 1 103Includendo a Bogotá
Demografia Ła ga 49 583 637 abitanti.
Gałeria de someje
Notasion
Altri projeti
Łinganbi foresti
Categoria:Pàjine co erori inte łe nòde