El Canton Luxerna (todesco Luzern, fransexe Lucerne, itałian Lucerna) el xe on canton de ła Svisera, e uno dei cuatro Waldstätte (cantoni forestałi), a braseto co: Uri, Untervaldo e Svito. El Canton el xe situà in tel çentro de ła nasion. Ła popołasion ła xe de 409,557 anime (al diçenbre del 2018). Ła cavedal cantonałe ła xe Luxerna, ła so estension ła xe de çirca 1 493,51 km².
Distreti El Canton Luxerna el xe dividesto in sie Wahlkreise, o sia de łe unità ełetorałi che dal 2013 le ga sostituio i veci çincue Ämter (che xà i ghea perso inte el 2007 vałore aministradivo), tegnéndoghene i confini come che xà i jera, ma co calche eçesion, ła pì granda ła xe seguramente ła costitusion del novo distreto de Luxerna Çità. Difarentemente da chełi altri Ämter, soło do Wahlkreise i ga oncora on so capołogo:
Wahlkreis Luzern-Land (Luxerna Canpagna) (prima ciamà: Amt Luzern, co caołogo Łuxerna) Wahlkreis Luzern-Stadt (Luxerna Cità) (prima ciamà: Amt Luzern) Wahlkreis Hochdorf (prima ciamà: Amt Hochdorf, co caołogo Hochdorf) Wahlkreis Sursee, co caołogo Sursee (prima ciamà Amt Sursee) Wahlkreis Willisau, co caołogo Willisau (prima ciamà: Amt Willisau) Wahlkreis Entlebuch (prima ciamà: Amt Entlebuch, co caołogo Schüpfheim)
Altri projeti
Łigadure foreste Sito ufiçale Statisteghe ufiçiałi