Teranóva e Łabrador (inglexe: Newfoundland and Labrador ; franxese: Terre-Neuve-et-Labrador) l'è una de łe diexe provinçe del Canada, l'ultima provinça a xontarse a ła confederasion canadexe.
L'è situà inte ła parte nordorientałe del Paexe, su l'Oçeano Atlantico. Ła provinça l'è conposta da do rejoni: l'ìzoła de Teranóva e l'Łabrador sul continente.
El nome de ła rejon el deriva dal łatin Terra Nova e, par quanto riguarda el Łabrador, dal portoghexe Lavrador, un titoło che significa "propietario teriero" detegnuo dal portoghexe esplorator de ła rejon, João Fernandes Lavrador.
El caołogo l'è San Zuane de Teranóva, su l'ìzoła omonima.
Istoria I primi a cołonixar Teranóva e Łabrador i era stà i Francexi, quando inte i ani '90 del '600 ła vien conquistà da i Inglexi. Daspò la sarà na cołonia britanega separà.
Ła svolta ła riva soło in tel 1948, quando ła popołasion ła se cata a dover decidar se anetarse a i Stati Uniti d'America, continuar come cołonia inglexa, diventar Stato indipendente o anetarse al Canada. El 31 marso 1949 el teritorio el diventa cosita parte del Canada con el nome de Teranóva. Col 1964 el governo provincial el scominsia parò a autonominarse «governo de Teranóva e Łabrador» e dal 2001 sto canbio l'è stà aplicà anca a ła costitusion canadexe.
Sosietà Evołuxion demografega I rixultati del censimento del 2006 i ga mostrà na popołasion de 505,469 anime.
Popołasion dal 1951 AnoPopołasionVariasion %in 5 aniVariasion %in 10 ani1951 361,416 n/a n/a 1956 415,074 14.8 n/a1961 457,853 10.3 26.71966 493,396 7.8 18.91971 522,100 5.8 14.0 1976 557,720 6.8 13.01981 567,681 1.8 8.71986 568,350 0.1 1.91991 568,475 0.02 0.11996 551,790 -2.9 -2.92001 512,930 -7.0 -9.82006 505,469 -1.5 -8.4
Etnie e minoranse foreste Secondo el censimento canadexe del 2001, el più grando grupo etnico in Teranóva e Łabrador l'è queło inglexe (39.4%), seguio da queło irlandexe (19.7%), scosexe (6.0%), francexe (5.5%) e nativi (3.2%). Mentre metà de quei che 'à risposto i ga identificà ła so etnicità anca come "canadexe", in un sondajo su ła diversità etnica del 2003 el 38% el se ga definio come "teranovexe".http://www.statcan.ca/Daily/English/030929/d030929a.htm
Łéngue e diałeti Teranóva ła ga i propi diałeti de l'inglexe, del francexe e de l'irlandexe. I diałeti inglexi parlè in Teranóva e in Łabrador i se somea; in più, el Łabrador el ga anca i so diałeti del Innu-aimun e del Inuktitut.
De łe 499.830 risposte dè in ocasion del censimento rełative a ła łengóa mare, łe łéngue più riportè i'è stè: 1.Inglexe488,40597.7%2.Francexe1,8850.4%3.Montagnais-Naskapi1,5850.3%4.Cinexe1,0800.2%5.Spangnoło6700.1%6.Tedesco6550.1%7.Inuktitut5950.1%8. Urdu5500.1%9.Arabo5400.1%10.Ołandexe3000.1%11.Ruso225~12.Itałian195~ I dati mostrè i se riferise a łe singołe risposte e a ła parçentuałe totałe. Ghè anca 435 risposte con sia l'inglexe che na łéngua mia ofisiałe, 30 con el francexe e na łéngua mia ofisiałe e çirca 14.305 che no i ga mia risposto a ła domanda o i ga segnà più łéngue mia ofisiałi.
Gałeria
Note
Łigamenti de fora Fisheries Heritage website Registro provinciałe de i Posti Storici de Teranóva e Łabrador VisitNewfoundland.ca
Categoria:Teranóva e Łabrador