Sità del Cao (in afrikaans: Kaapstad, in xhosa: iKapa, in inglexe Cape Town) la xe la cavedal aministrative de el Sudafrica (Pretoria la xe la cavedal esecutiva e Bloemfontein quela giudisiaria). La xe costruia a l’estremita setentrionale de la penisola de el Cao, soto la Table Mountain. La ga 3 milioni de abitanti.
Storia thumb|250px|left|El municipio de Sità del Cao Sità del Cao la xe stà el primo vero insediamento eoropeo in Africa in tempi moderni. La sità la xe stà fondà da i olandexi par farghene na basa par le navi che ndava in Axia. El clima bon – mediteraneo – la tera fertile e l’acua i ga parmeso lo svilupo de la sità e de le fatorie de tuta la region. Co l’ario de imigrati olandesi e francexi, la popolasion la sa sempre pi slargà. En tel 1910, co la Unione Sudafricana la xe stà formà, la colonia del Cao la rivava 2 000 km inte l'entrotera. La sità la xe la prima a adotar misure de segregasion de la popolasion nera (anca prima de la selta de l’apartheid – svilupo separà). In fronte a la sità se cata l’ixola de Robben Island, famoxa par esar stà la prison de Nelson Mandela fin a la so liberasion in tel 1991. Ancò la sità la xe na metropoli moderna, cavedl de el turismo del paexe e sentro culturale de importanza continental.
Categoria:Cavedal de l'Africa Categoria:Sudafrica