El cornołaro o cornolèr el xe na pianta de ła fameja de łe Cornaceae. Nome sientifego Cornus mas, el vien ciamà in inglexe cornel tree o cornelian cherry, in todesco Kornelkirsche, in tałjan corniolo. Se trata de bar o albareti alti fin a 5 metri. I ga foje ovałi co pełeti ke vien fora de sora e de soto. thumb|left|Fiori de cornołaro I fiori, xałi, i se verxe a onbreła, intrà febraro e apriłe. I fruti, rosi, ma anca xałi, i par picołe sarese longhe. El legno del cornołaro el xe durisimo: el vien doparà par far maneghi de martełi e altri atrezi e par ła produsion de pipe. thumb|left|Fruti de cornołaro thumb|left|Cornus mas
Coi fruti se fa suki ('ntele Prealpi Vixentine in setenbre se faxeva el vin de cornoła) e marmelade ( ke va ben coła carne lesa), ma i vien mesi anca 'nteła graspa.
Altri projeti
Linganbi foresti
Categoria:Anzosperme Categoria:Fruta de bosco