Nìzer

El Nìzer xe no Stato de l'Africa Ocidentale. El confina a nord co l’Algeria, a nordest co la Libia, a est co el Ciad, a sud co la Nizeria, a sudovest co el Benin e el Burkina Faso, a ovest co el Mali.

Etimołozia El nome del paexe vien dal fiume Nìzer.

Zeografia

Inte el sud, el score el fiume Nìzer. Inte el sud se cata anca el lago Ciad.

Do terzi del paexe xe ocupà dal deserto del Sahara. Inte el sud se cata le savane. La capitae l’é costruia in sta zona fertile.

Storia

No ghe documenti su la storia antica del Nìzer. Se sa, da ricatamenti archeologici, che ghera de le popolazioni che vivea in tel nord del paexe 6000 ani fa. Sta gente la sa spostà a sud co la desertificasion de la region del Ténéré, che ancò xe parte del deserto del Sahara.

I hausa i riussì a formar on impero che controlaa le piste carovaniere, dal X al XIX secolo.

Quando i francexi xe rivà in Nìzer, el impero hausa xera za in decadimento. El Nizer l’é entrà ne l’Africa Ocidentale Francexe e ghe restà fin a l’indipendenza.

Indipendenza L’indipendenza xe rivada inte el 1960.

Dopo l’indipendenza ghe sta’ vari colpi de Stato militari.

Inte el 1999, i nizerini ga votà la nova costitusion.

Zeografia politega Sudivixion aministrative El Nìzer el xe divixo in 8 rejon pì el departemento capitae de Niamey miniatura|centro|Departementi del Niger RejonCavedalSuperfisie(km²)Popolasion(2001) Agadez Agadez 634.209 313.274 Diffa Diffa 140.216 329.258 Dosso Dosso 31.002 1.479.095 Maradi Maradi 38.581 2.202.035 Niamey Niamey 670 674.950 Tahoua Tahoua 106.677 1.908.100 Tillabéri Tillabéri 89.623 1.858.342 Zinder Zinder 145.430 2.024.898

Cavedal e altre sità La capitae l'é Niamey.

Popolasion Etnie I hausa e i djerma-songhai xe le do etnie piassé importanti, e i xe agricoltori. I altri grupi del Nizer xe pastori e nomadi: fulani, tuareg, kanuri, arabi, e toubou. La mancanza de acua e de pascolo spinze i pastori a tacar briga co i agricoltori par el control de le risorse. Ghe de frecuente guere tribali e tension.

Religion I musulmani xe el 82%, quei che segue le religioni tradisionali el 17,5%, i cristiani el 0,5%.

Lengoa La lengoa oficial xe el francexe.

Economia El setor agricolo produse solo par el marcà interno. I bagigi i xe esportà in Eoropa. Ghe miniere de fero, oro e on poco de petrolio.

Gałeria de someje

Notasion

Altri projeti

Łinganbi foresti